ХАБАРЛАНДЫРУ -- "Қызылорда облысының ветеринария басқармасының ..." -- 14 Желтоқсан 2018
МҰСТАФА ШОҚАЙ АТЫНДАҒЫ РЕСПУБЛИКАЛЫҚ ТУРНИР -- "      16 желтоқсан Қазақстан ..." -- 14 Желтоқсан 2018
ХАБАРЛАНДЫРУ -- " ..." -- 14 Желтоқсан 2018
АҚПАРАТТЫҚ ХАБАРЛАМА -- "АҚПАРАТТЫҚ ХАБАРЛАМА 2018 жылғы «12» желтоқсан ..." -- 11 Желтоқсан 2018
БЖЗҚ туралы -- "Бүгінгі таңдахалық арасында жинақтаушы зейнетақы ..." -- 10 Желтоқсан 2018
2018 жылдың 1 қарашасынақарай «БЖЗҚ» АҚ қызметініңмаңыздыкөрсеткіштері -- "2018 жылдың 1 қарашасынақарай «БЖЗҚ» АҚ ..." -- 06 Желтоқсан 2018
Хабарландыру -- "Бос жұмыс орындарының жәрмеңкесі 2018 жылғы 6 ..." -- 05 Желтоқсан 2018
Хабарландыру -- "2018 жылдың 7 желтоқсан күні сағат 16.00-ден – ..." -- 04 Желтоқсан 2018
ХАБАРЛАНДЫРУ -- "Бүгінгі күні жинақтаушы зейнетақы жүйесі жайлы ..." -- 29 Қараша 2018
ХАБАРЛАНДЫРУ -- "  Шара қорытындысы бойынша мақала   ..." -- 26 Қараша 2018

Бүгінгі күні жинақтаушы зейнетақы жүйесі жайлы көптеген сұрақтар туындауда, осыған байланысты, біз БЖЗҚ Қызылорда облыстық филиалы директорының орынбасары Алмас Сарсембаевты әңгімеге тартқан болатынбыз.                                                           

  • Бірыңғай жинақтаушы зейнетақы қорының қызметі туралы айтып берсеңіз

Бүгінде «Бірыңғай жинақтаушы зейнетақы қоры» акционерлік қоғамының жүзеге асыратын қызметі, бірінші кезекте, зейнетақы қызметтеріне, толық әрі дұрыс ақпаратқа қолжетімділікті қамтамасыз ету, яғни салымшылар мен алушылардың ағымдағы қажеттілігін іске асыруға бағытталған. Алайда, мұнымен қатар БЖЗҚ еліміздің зейнетақымен қамсыздандыру жүйесінің жинақтаушы құрамдауыш қызметінің және ары қарай дамуында негізгі рөл атқарады. Міндетті зейнетақы жарналары, міндетті кәсіптік зейнетақы жарналары есебінен жеке зейнетақы шотын ашу, жеке және заңды тұлғалармен ерікті зейнетақы жарналары есебінен зейнетақымен қамсыздандыру туралы шарттарға қол қоюды қосқандағы зейнетақы жарналарын тарту бойынша жұмыстар, сондай-ақ зейнетақы төлемдерін жүзеге асыру Қордың негізгі қызметтері болып табылады.

- Бірыңғай жинақтаушы зейнетақы қорының қызметтері қаншалықты қолжетімді?

Зейнетақы қызметтерінің қолжетімділігі Бірыңғай жинақтаушы зейнетақықорының басым бағыттарының бірі.  БЖЗҚ әрдайым хабарландыру тәсілдері мен қызметтердің сапасын жетілдіруді уақыт талабына сай дамытуға ұмтылады. Бүгінде Қор қызметтері еліміздің барлық тұрғындарына дерлік қолжетімді.  Еліміздің  аймақтарында 216 дербес қызмет көрсету орталықтары, көшпелі қызмет жұмыс істейді, мүмкіндігі шектеулі азаматтарға мобильді агенттер қызмет көрсетеді.

БЖЗҚ қызметтерінің 80 пайызы қазір қашықтықтан электрондық түрде қолжетімді. Соның арқасында кеңсеге келіп, кезек күтпей-ақ интернет арқылы  немесе ұялы телефондардың кез-келген операциялық жүйесіне бейімделген ENPF ұялы қосымшасы арқылы қызмет алуға болады. Бұл салымшылар мен алымшыларға уақытын үнемдеуге мүмкіндік береді.

Зейнетақы мәселелері еліміздің барлық тұрғындарын толғандырады. Алайда барлық азаматтардың біздің бөлімшелерге келуге қолдары тие бермейді. Сондықтан біз салымшылар мен алушылармен байланыс жасаудың барлық мүмкіндіктерін қолдануға тырысамыз.       

- Бірыңғай жинақтаушы зейнетақы қорының алдына қойған мақсаттарымен таныстырып өтсеңіз

БЖЗҚ өз жұмысында әлеуметтік жауапкершіліктің негізін қалайтын мынадай ұстанымдарды басшылыққа ала отырып:

  • адам құқықтарын сақтау
  • заңды басшылыққа алу
  • ашықтық
  • мүдделі тараптардың мүддесін құрметтеу
  • әдепті әрекет ету
  • есеп беру,

әлеуметтік жауапты ұйым ретінде БЖЗҚ келесі мақсаттар мен міндеттерді белгілеп отыр:

  1. Үздік тәжірибе стандарттарына сәйкес сапалы қызмет көрсету
  2. Қазақстан Республикасы халқының зейнетақы жинақтарын жоспарлау мәдениетін дамыту
  3. Қазақстанның жинақтаушы зейнетақы жүйесін ары қарай дамыту бағыттары бойынша Қазақстан Республикасының заңнамасын іске асыру.

- Соңғы уақытта БЖЗҚ салымшыларға инфляцияға байланысты төлемдер жасап жатыр деген әнгімелер жиілеп кетті, осы жөнінде айтып кетсеңіз.

Бірыңғай жинақтаушы зейнетақы қоры өз салымшыларын зейнетақы Қорының инфляцияға байланысты салымшылар мен алушыларға 150 000 теңгеден төлеп жатқандығы туралы WhatsApp арқылы таратылған ақпараттың шындыққа жанаспайтындығы жайында ескерткен болатын.

«Қазақстанда зейнетақымен қамсыздандыру туралы» Қазақстан Республикасы Заңының 5-бабына сәйкес зейнетақы төлемдерін алу құқығы туындаған кезде мемлекет алушының жинақтаушы зейнетақы жүйесіне қатысқан бүкіл кезеңіндегі инфляция деңгейін ескере отырып, оның атына Бірыңғай жинақтаушы зейнетақы қорына аударылған мiндеттi зейнетақы жарналарының, мiндеттi кәсіптік зейнетақы жарналарының нақты енгізілген мөлшерінде сақталуына кепiлдiк бередi.

Айырма сомасы (мемлекеттік кепілдік) – мемлекеттік бюджет есебінен берілетін біржолғы өтемақы. Салымшылар мемлекеттік кепілдік бойынша төлем алу құқығына зейнеткерлік жасқа толған кезде ие болады. Бұдан басқа, мүгедектігі мерзімсіз болып белгіленген жағдайда І және ІІ топтардағы мүгедектігі бар жандар, Қазақстаннан тыс жерлерге тұрақты тұруға кеткен шетелдіктер мен азаматтығы жоқ адамдар міндетті зейнетақы жарналары, міндетті кәсіптік зейнетақы жарналары есебінен айырма сомасын алуға құқылы. Сонымен қатар мемлекет кепілдігі бойынша төлем алуға құқылы азамат қайтыс болған жағдайда, оның мұрагерлері де айырма сомасын ала алады.

Өтемақы мөлшері әрбір салымшы үшін дербес есептеледі. Зейнетақы төлемдерін алу құқығы туындаған кезде алушының зейнетақы жинақтарының сомасы оның жинақтаушы зейнетақы жүйесіне қатысқан бүкіл кезеңіндегі инфляцияны ескере отырып есептеледі және енгізілген зейнетақы жарналарының сомасымен салыстырылады. Егер зейнетақы жинақтарының табыстылығы инфляциядан төмен болса, мемлекет айырма сомасын өтейді. Бұл қаржы нарықтары мен инвестициялық табысқа қатысты қандай жағдай орын алмасын, салымшылардың жинақтары сенімді қорғалғандығын білдіреді. Алайда инфляция деңгейін ескере отырып, міндетті жарналар мен инвестициялық табыс есебінен қалыптасқан зейнетақы жинақтарының сомасы енгізілген жарналардың сомасына тең немесе одан жоғары болса айырма сомасы төленбейді.

Егер жұмыс беруші зейнетақы аударымдарын жасамаса не істеу керек?

– Әрбір жұмыскер жұмыс берушіден бұл жарналарды Қорға қаншалықты толық көлемде және уақытылы аударып отырғандығы туралы мәлімет беруін талап етуге құқылы. Егер жұмыс беруші зейнетақы жарналарын уақытылы және толық көлемде аудармайтын болса, жұмыскер кірістер басқармасына шағымдануына болады. Жұмыс берушілердің зейнетақы жарналарын уақытылы және толық көлемде аударып отыруын қадағалап отыру жауапкершілігі осы кірістер органдарына жүктелген. Дейтұрғанмен, бұл мәселе бойынша еңбек инспекторына жүгінуге болады. Өз кезегінде еңбек инспекторы жұмыс берушіге келіп, оған ықпал ету шарасын қолдана алады. 

 

– Әңгімеңізге рахмет. Жұмыстарыңызға сәттілік тілейміз.

 

 

Видео ақпараттар

Scroll to top