ҚР Президентінің 20.01.1998 жылғы Жарлығымен 22 қыркүйек күні Қазақстан халқының Тілдер мерекесі күні болып белгіленді.  

            Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны.  Бүгінде қазақ жерінде 130 дан астам ұлт өкілдері өмір сүріп келеді. Және олардың әрқайсысының ана тілі мен ата дәстүрі бар. Қазақстан Республикасының Конституциясы (1995ж.), “Тіл саясаты туралы” Тұжырымдамасы (1996ж.) және осыларға негізделген "Тіл туралы" Заң (1997ж.) республикадағы тілдердің ұлтаралық жарастық пен рухани ынтымақтастықтың құралы ретінде қызмет етуін және тіл алуандығын көздейді.  Ел тәуелсіздігінің ең басты белгісі - оның ана тілі екені бәріне белгілі. Тіл - халықтың сан ғасырлық тарихы. Ана тілі жоқ ел мемлекет болып өмір сүруі мүмкін емес. Әлемдегі кез келген халық тәуелсіздікке ұлттық қадір-қасиетін, мәдениетін, ана тілін сақтап қалу үшін ұмтылады. Сондықтан, әрбір мемлекет өзінің ана тілін әрқашан да қастерлеп, қорғап жүреді. Ал ана тілін қорғау дегеніміз – өз ана тілінде таза сөйлеу.

            Елбасымыз әрқашан «Қазақстанның болашағы- қазақ тілінде»  деген ұстанымды  қуаттап  қолдайды. 2011-2020 жылдарға арналған  тілді  дамыту мен қолданудың мемлекеттік бағдарламасына сәйкес,  елімізде  мемлекеттік тілді қолданудың  ауқымды шаралары өткізіліп,  бірнеше бағдарламалар жүзеге асырылуда.

            Бөлімде  іс-қағаздары мемлекеттік тілде жүргізіледі.  Жыл сайын  департаменттің бастамасымен   мемлекеттік тілді одан әрі  дамыту,  оның мемлекеттік мәртебесін көтеру мақсатында түрлі шаралар мен байқаулар өткізіліп тұрады. Тілдер мерекесі қарсаңында Шиелі аудандық бөлімінде де мерекелік іс-шара өткізілді.


«Азаматтарға арналған үкімет» мемлекеттік корпорациясы КЕ АҚ Қызылорда

 облысы бойынша  филиалы- «Халыққа қызмет көрсету орталығы» департаментінің Шиелі аудандық бөлімі