Мемлекет басшысы Нұрсұлтан Назарбаев сингапурлық "Hotel Properties Limited" компаниясының негізін қалаушы Онг Бэнг Сэнгпен кездесті.

Басқосуда туризм саласын дамыту және бірлескен инвестициялық жобаларды жүзеге асыру мәселелері талқыланды. Елбасы Қазақстан мен Сингапур арасында достық қарым-қатынас қалыптасқанын және жоғары дәрежеде әріптестік байланыс орнағанын атап өтті. Сондай-ақ, Астананың туристік әлеуетін арттыру үшін қолға алынған шаралар жөнінде әңгімелеп, еліміздің бұл саланы дамытуға ниетті екенін алға тартты.

Нұрсұлтан Назарбаев, Қазақстан Республикасының Президенті:

- С Сингапуром у нас давние и хорошие отношения. Я долго дружил с господином Ли Куан Ю, и с нынешним премьер-министром страны мы также поддерживаем тесное сотрудничество. На всех международных площадках мы всегда встречаемся и беседуем о том, как нам дальше укреплять наши отношения. Вы – человек известный в гостиничном бизнесе, работаете во многих странах мира. Астана – это новая столица, и мы намерены сделать ее туристическим городом. Для этого мы изучаем путь, который прошел Сингапур в этом направлении.

Өз кезегінде сингапурлық кәсіпкер Нұрсұлтан Назарбаевтың бастамасымен Қазақстан жоғары жетістіктерге қол жеткізгенін айтты. Сонымен қатар ол елордада жаңа қонақ үй салу жоспарын жария етті.

Онг Бэнг Сэнг, «Hotel Properties Limited» компаниясының негізін қалаушы:

- Президент мырзамен кездескеніме қуаныштымын. Біз Астанада жаңа қонақ үй салу мәселесін талқыладық. Мен мұнда өткен 20 жыл ішінде атқарылған жұмыстарды көріп, таң қалдым. Енді бұл қаланы 21-ғасырдың астанасы атандырсақ деген ортақ ойымыз бар. Менің пайымдауымша, жаңа қонақүйз Астананың мәртебесін арттыруға зор үлес қосуы тиіс.