Мемлекет басшысы Еуропалық іскерлік топ өкілдерімен кездесті -- "Елбасы Нұрсұлтан Назарбаев Еуропадағы бизнес ..." -- 18 Қазан 2018
ШИЕЛІДЕ АУЫЛ ШАРУАШЫЛЫҒЫ ӨНІМДЕРІНІҢ ЖӘРМЕҢКЕСІ ӨТТІ -- "Бүгін «Алтын күз – 2018» мерекесі аясында аудан ..." -- 18 Қазан 2018
Елбасы Финляндияға ресми сапармен барды -- "Қазақстан Президенті «Nokia Corporation» ..." -- 17 Қазан 2018
АҚПАРАТТЫҚ ХАБАРЛАМА -- "АҚПАРАТТЫҚ ХАБАРЛАМА 2018 жылғы «11» қазан ..." -- 12 Қазан 2018
«7-20-25». Мемлекеттік қызметкерлерге баспана алу үшін 1 млн теңгеден ... -- "Мемлекет басшысының Жолдауына сәйкес «7-20-25» ..." -- 11 Қазан 2018
Елбасы Шерхан Мұртазаның қайтыс болуына байланысты туыстарына көңіл ... -- "Қазақстан Президенті Нұрсұлтан Назарбаев жазушы ..." -- 11 Қазан 2018
Жазушы Шерхан Мұртаза дүниеден озды -- "Қазақстанның халық жазушысы Шерхан Мұртаза ..." -- 10 Қазан 2018
Елбасы Қазақстан халқына арналған жыл сайынғы Жолдауын жариялайды -- "5 қазан күні Нұрсұлтан Назарбаев Ақорда ..." -- 04 Қазан 2018
БЖЗҚ қауесеттерді жоққа шығарады -- "АҚПАРАТТЫҚ ХАБАРЛАМА 2018 жылғы «21» қыркүйек ..." -- 03 Қазан 2018
5 сұрақ -- "Менің әкем – мүгедек. Өздігінен жүріп-тұра ..." -- 03 Қазан 2018

2018 жылғы 10 наурызда Қазақстан Республикасының Үкіметі мен Біріккен Араб Әмірліктерінің Үкіметі арасындағы азаматтардың өзара визасыз сапарлары туралы келісім қолданысқа енгізіледі.

Осыған байланысты Сыртқы істер министрлігі Қазақстан азаматтарының Біріккен Араб Әмірліктерінің аумағына кіру кезіндегі талаптар туралы хабарлайды.

  1. 2018 жылғы 10 наурыздан бастап Қазақстан азаматтары визасыз негізде халықаралық қатынас үшін ашық өткізу пункттері арқылы Біріккен Араб Әмірліктері аумағына визасыз кіруге және одан шығуға, оны кесіп өтуге және онда 30 (отыз) күннен аспайтын мерзімде болуға құқылы.
  2. Әлемдегі барлық әуежайлардағы тәжірибедегідей, Біріккен Араб Әмірліктеріне кіру кезінде Қазақстан азаматтары өз төлқұжаттарын көрсетулері тиіс, одан соң олардың деректері электрондық жүйеге енгізіліп, паспорт парағына мөр басылады;
  3. 2017 жылғы 23 мамырда Астанада қол қойылған Қазақстан Республикасы мен Біріккен Араб Әмірліктері арасындағы визасыз сапарлар туралы келісімге өзгерістер мен толықтырулар енгізу туралы Хаттамаға сәйкес, паспорт жарамдылығының аяқталу мерзімі 6 айдан кем болмауы тиіс, сондай-ақ халықаралық азаматтық авиация ұйымы (ICAO) талаптарына сай болуы керек;
  4. Әрбір Қазақстан азаматының, соның ішінде кәмелетке толмағандардың да жеке өз паспорттары болуы тиіс. Сәбилер ата-аналарының бірінің паспортына жазылмауы тиісті;
  5. Қазақстан Республикасының азаматтары өз паспорттарының қолданыс мерзімдерін анық білуге, сондай-ақ Біріккен Араб Әмірліктері заңдарры мен онда болу ережелерін сақтауы тиіс;
  6. Біріккен Араб Әмірліктеріне халықаралық іздеуде жүргендерден басқа барлық Қазақстан азаматтарына визасыз кіруге рұқсат етіледі және олардың БАӘ-ге дейін қандай елдерде болғаны есепке алынбайды;
  7. Кәмелетке толған, заң жүзінде өз басына жауап бере алатын Қазақстан Республикасының әйел азаматтарына Біріккен Араб Әмірліктерінің аумағына ер адамның ертіп жүруінсіз кіруіне рұқсат етіледі;
  8. Біріккен Араб Әмірліктері аумағында қауіпсіздіктің барлық талаптарын сақтауға байланысты кәмелетке толмаған балаларды ата-аналарының ертіп жүруі тиіс. Ал егер, кәмелетке толмаған бала ата-анасыз сапар шегетін болса, онда баланың ата-анасы немесе сенімді өкілі шығуға арнап келісім берген әрі ережеге сәйкес (Астанадағы БАӘ Елшілігінде, немесе шет елдердегі Біріккен Араб Әмірліктерінің кез-келген дипломатиялық өкілдіктерінде) заңдастырылған сенімхат ұсынылуы тиіс;
  9. Біріккен Араб Әмірліктері заңдары мен нормативтік-құқықтық актілеріне сәйкес, визасыз тәртіппен барғандарға келіссөздер мен кездесулер өткізуге болады;
  10. Визасыз тәртіп бойынша барған Қазақстан Республикасының азаматтарына Біріккен Араб Әмірліктерінің аумағында жұмысқа тұруға болмайды;
  11. Біріккен Араб Әмірліктерінің заңнамаларына сәйкес, визасыз болу тәртібінің мерзімін бұзған азаматтарға қатысты қаржылай айыппұл салу түріндегі әкімшілік жаза көзделген;
  12. Біріккен Араб Әмірліктерінің аумағына сапар шегуді ниет еткендер қосымша ақпаратты БАӘ Ішкі істер министрлігінің ресми сайтынан, немесе «Emirates» пен «Etihad» әуекомпаниялары сияқты ресми тасымалдаушылардан алуларына болады.

Видео ақпараттар

Scroll to top