Хабарландыру «БЖЗҚ» АҚ «Ашық есік күніне» шақырады -- "2019 жылғы 20 қыркүйекте сағат 10:00-де «БЖЗҚ» АҚ ..." -- 17 Қыркүйек 2019
Хабарландыру «БЖЗҚ» АҚ «Ашық есік күніне» шақырады -- "Тақырып: «Ерікті зейнетақы жарналары – өзіңіздің ..." -- 17 Қыркүйек 2019
БЖЗҚ-дағы Ашық есік күні -- "Халық арасындағы насихаттау жұмысы аясында ..." -- 17 Қыркүйек 2019
Шиелі индустриалды–аграрлық колледжінде өткізілген «Денсаулық ... -- "Шиелі индустриалды – аграрлық колледжінде ..." -- 13 Қыркүйек 2019
ПРЕЗИДЕНТТІК ЖАСТАР КАДР РЕЗЕРВІНЕ ІРІКТЕУ БАСТАЛДЫ -- "Президенттік жастар кадр резервіне өтінімдерді ..." -- 13 Қыркүйек 2019
5 сұрақ айдары -- Мен таяуда жұмыстан шығып, «Болашақ» ..." -- 10 Қыркүйек 2019
Жинақтаушы зейнетақы жүйесі туралы 5 сұрақ -- "Жинақтаушы зейнетақы жүйесі туралы 5 сұрақ ..." -- 29 Тамыз 2019
ОТБАСЫ: ӘЙЕЛ-АНА - НҰРЛЫ БОЛАШАҚТЫҢ АЛТЫН АРҚАУЫ -- "Бүгін "Арман" мәдениет үйінде Шиелі ауданының ..." -- 26 Тамыз 2019
ҚАЗАҚСТАНДЫҚТАР 3 МЛН.ТЕНГЕ МЕН АВТОКӨЛІК ҰТЫП АЛА АЛАДЫ -- "ҚР ҚМ Мемлекеттік кірістер комитеті «Атамекен» ..." -- 26 Тамыз 2019
АҚПАРАТТЫҚ ХАБАРЛАМА -- "2019 жылғы 15 тамыз 2019 жылдың 1 тамызына ..." -- 23 Тамыз 2019

Дариға Назарбаева Сингапурдың жоғары басшылығымен кездесіп, келіссөздер жүргізді.

Сенаттың халықаралық қатынастар, қорғаныс және қауіпсіздік комитетінің төрайымы – Ли Куан Ю атындағы тәжірибе алмасу бағдарламасына Орталық Азиядан қатысып отырған тұңғыш саяси тұлға.

Осыдан 27 жыл бұрын құрылған бағдарлама аясында бірқатар елдің басшылары мен министрлері Сингапурдың даму тәжірибесін зерттеген болатын. Сенаттың халықаралық қатынастар, қорғаныс және қауіпсіздік комитетінің төрайымы Дариға Назарбаева премьер-министр Ли Сянь Лунмен кездесті. Ол осы мемлекеттің негізін қалаушы Ли Куан Юдың үлкен ұлы екенін атап өткен жөн. Ядролық қаруды таратпау мәселесін талқылаған Дариға Назарбаева БҰҰ Қауіпсіздік Кеңесінде Қазақстан ұсынған күн тәртібін қолдауға шақырды. Сингапур Оңтүстік-Шығыс Азия елдерінің қауымдастығына төрағалық етіп отыр, сондықтан да кездесуде ұйымның Еуразиялық экономикалық одақпен өзара әрекеттесуі талқыланды.

Үсен Сулеймен, Қазақстанның Сингапурдегі елшісі:

– Еуразиялық экономикалық одақ Нұрсұлтан Назарбаевтың бастамасымен құрылғанын ескеріп, тараптар KAPTICA форматын кеңейтіп, оны өңіраралық құрылымға, атап айтқанда, Еуразиялық-Тынық мұхиты сауда-индустриялық палатасына айналдыру қажет деген ортақ пікірге келді. Бұл  қазіргімен салыстырғанда аймақтағы кәсіпкерлердің өзара әрекеттесу деңгейінің жоғары болуына оң ықпал етеді.

Дариға Назарбаева Сингапур экономикасында жаңа технологияларды қалай қолданып жүргенімен танысты.

Дариға Назарбаева, ҚР парламенті Сенатының халықаралық қатынастар, қорғаныс және қауіпсіздік комитетінің төрайымы:

– Алматы әуежайын жиі тұман басады. Кейбір маусымда бұл көп қиындық тудыратыны белгілі. Әуежай үшін қолайлы жер іздеп жатырмыз.

Дариға Назарбаева инвестиция тарту жөніндегі келіссөзді ағылшынша жүргізсе, елімізге құрмет білдірген кейбір шетелдік инвесторлар өздерін қазақша таныстырды.

Азиядағы алпауыт инжиниринг компанияларының басшылары тың тәжірибелерін Қазақстанда қолдануды ұсынды.

Омар Шахзад, Meinhardt Group атқарушы директоры:

– 2017 жылдың соңында Қазақстанға барғанбыз. Біз елдеріңізде су құбырлары жүйесінің жұмысын жақсартуға көмектесе аламыз. Бүгінгі таңда үлкен қалаларға су жеткізу барысында оның көп мөлшері жоғалады. Сингапур судың шығынын барынша азайтқан жүйені құруда жаһан жұртына үлгі болып отыр.

Сонымен қатар Дариға Назарбаева Парламент спикері, Сыртқы істер министрі, Сауда және индустрия министрі және Ли Куан Ю атындағы бағдарламаның төрағасымен де кездесті.

Билахари Каусикан, Сингапур СІМ ерекше тапсырмалар бойынша елшісі:

– Сингапур мен Қазақстан географиялық орналасу жағынан алыс болғанымен, біз – Азия мемлекеттеріміз. Қазақстан құрлықта, Сингапур теңіздегі өз тасымал мүмкіндіктерін пайдаланып, осы екі бағытты түйістіру арқылы екіжақты қатынасты қарқынды дамыта түсеміз деген сенімдеміз.

Дариға Назарбаева тақылеттес кездесулер Қазақстан мен Сингапур қарым-қатынасын нығайтып, елімізде Сингапурдың үздік тәжірибелері қолданылуына сеп болатынын айтты.

Видео ақпараттар

Scroll to top