Хабарландыру «БЖЗҚ» АҚ «Ашық есік күніне» шақырады -- "2019 жылғы 20 қыркүйекте сағат 10:00-де «БЖЗҚ» АҚ ..." -- 17 Қыркүйек 2019
Хабарландыру «БЖЗҚ» АҚ «Ашық есік күніне» шақырады -- "Тақырып: «Ерікті зейнетақы жарналары – өзіңіздің ..." -- 17 Қыркүйек 2019
БЖЗҚ-дағы Ашық есік күні -- "Халық арасындағы насихаттау жұмысы аясында ..." -- 17 Қыркүйек 2019
Шиелі индустриалды–аграрлық колледжінде өткізілген «Денсаулық ... -- "Шиелі индустриалды – аграрлық колледжінде ..." -- 13 Қыркүйек 2019
ПРЕЗИДЕНТТІК ЖАСТАР КАДР РЕЗЕРВІНЕ ІРІКТЕУ БАСТАЛДЫ -- "Президенттік жастар кадр резервіне өтінімдерді ..." -- 13 Қыркүйек 2019
5 сұрақ айдары -- Мен таяуда жұмыстан шығып, «Болашақ» ..." -- 10 Қыркүйек 2019
Жинақтаушы зейнетақы жүйесі туралы 5 сұрақ -- "Жинақтаушы зейнетақы жүйесі туралы 5 сұрақ ..." -- 29 Тамыз 2019
ОТБАСЫ: ӘЙЕЛ-АНА - НҰРЛЫ БОЛАШАҚТЫҢ АЛТЫН АРҚАУЫ -- "Бүгін "Арман" мәдениет үйінде Шиелі ауданының ..." -- 26 Тамыз 2019
ҚАЗАҚСТАНДЫҚТАР 3 МЛН.ТЕНГЕ МЕН АВТОКӨЛІК ҰТЫП АЛА АЛАДЫ -- "ҚР ҚМ Мемлекеттік кірістер комитеті «Атамекен» ..." -- 26 Тамыз 2019
АҚПАРАТТЫҚ ХАБАРЛАМА -- "2019 жылғы 15 тамыз 2019 жылдың 1 тамызына ..." -- 23 Тамыз 2019

Мемлекет басшысы Нұрсұлтан Назарбаев жұмыс сапарымен Жамбыл облысына барды. Елбасы өңірдегі этномәдени бірлестіктер өкілдерімен кездесіп, Қазақстан халқы Ассамблеясы орналасқан «Достық үйінің» жаңа ғимаратын аралап көрді. Президент «Болашаққа бағдар: рухани жаңғыру» атты мақаласының өзекті тұстарына ерекше тоқталды. Кездесу барысында Қазақстан халқы Ассамблеясының бірегейлігіне және мемлекеттік тіліміздің латын әліпбиіне көшуінің маңыздылығын атап өтті. Сондай-ақ «Көне Тараз» тарихи-археологиялық саябағы аумағында жүргізіліп жатқан қазба жұмыстары барысында табылған құнды экспонаттармен танысты.

Елбасы осы сапары аясында бірнеше әлеуметтік-экономикалық маңызы бар нысандарды аралады. Атап айтқанда, гипс және гипсокартон өндіретін зауытта болып, өндіріс ошағының  жұмысымен танысты. Бұл кәсіпорын индустриалды-инновациялық даму бағдарламасы аясында іске қосылған.  Жоба құны 2 миллиард теңгеден асады. Жылына 150 мың тоннаға дейін гипс шығаруға қауқарлы. Бастан аяқ заманауи технологиямен жарақтанған. Қазір мұнда 75 адам тұрақты еңбек етіп жүр. Сонымен қатар Нұрсұлтан Назарбаевқа индустрияландыру бағдарламасына енген бірнеше ірі жоба да таныстырылды. Дәлірек айтқанда, электр қуатымен жүретін автобус үлгісі көрсетілді. Президент зауыт ұжымымен кездесіп, істеріне сәттілік тіледі.

Нұрлан Алжанқұлов, зауыттың бас директоры:

- Шығарып жатқан гипсіміздің сапасы осы озық сапалар деп есептейміз және алдағы уақытта біз оның сапасын көтеріп басқа да жоспарлар бар. Тағы бір зауыт соғамыз деген осы жерде. Бұған түрткі болған кластерлік мәселе. Көрші қырғыз, өзбек көршілерімізге апарамыз деген ойымыз бар. Әрі қарай гипс тақтайшаларын шығарсақ.

Қарлығаш Аралбекова, облыстық кәсіпкерлік және индустриалды-инновациялық дамыту басқармасының басшысы:

- Индустриалды-инновациялық даму бағдарламасы бойынша Жамбыл облысында 557 миллиард теңгеге 34 жоба жүзеге асырылуда. 6500 жұмыс орны ашылмақ.  Бүгінгі таңда 24 жоба іске асырылып қойған. Қалған 10 жобасын әрі қарай 2017 және 2021 жылдар аралығына жоспарлап отырмыз.

Сондай-ақ Мемлекет басшысы Тараздағы Айша бибі  көшесінде салынып жатқан жаңа көпірдің құрылыс барысымен танысты. Нысан қолданысқа берілген кезде темір жол арқылы бөлінген бөліктерін байланыстырып, басты көлік жолдарының тамырына қан жүгіреді. Айта кетейік, бүгінде Қырғызстанмен шекаралас жатқан «Айша бибі» кеден бекеті арқылы тәулігіне 4-5 мың көлік өтеді.

24.kz

Scroll to top