Қазақстан Республикасы тұрғын үй коммуналдық шаруашылық жүйесін жаңғыртудың 2011-2020 жылдарға арналған бағдарламасын іске асыру барысы туралы.

4,1 Аудан бойынша 2014 жылы жалпы сметалық құны 9,3 млн теңге болатын кентіндегі Жақаев № 33 және Байтұрсынов көшесі № 2 үйлерге күрделі жөндеу жұмыстары жүргізілді. Аталынған тұрғын үйлердің 13 пәтер иелерімен тиісті қаражатты қайтару мақсатында келісім шарт жасалынған. Келісім шартқа сәйкес 2018 жылдың І тоқсанында жылы тұрғындардан 1 367 000 мың теңге қаражат қайтарылды. Қаржы қайтару жұмыстары жалғастырылуда.

4,2 Биылғы жылы облыс әкімінің тапсырмасына сәйкес жергілікті бюджеттен 7 140 000 теңге қаржы қаралып, кенттегі Бұхар Жырау көшесі №39 үйге күрделі жөндеуге тұрғындармен жиналыстар өткізіліп, бағдарламаның маңыздылығын түсіндіріп және де құрылыс жұмыстарына жұмсалған қаражаттың қайтаруға келісімдер алынды. 7 140 000 теңге қаржы «Шиелі-Бәйтерек» ЖШС-ке аударылып, Бұхар Жырау көшесі №39 үйге күрделі жөндеу жұмыстары жүргізілді.

Көппәтерлі тұрғын үйлерді энергоаудит жүргізуге жергілікті бюджеттен 490,0 мың тенге бөлініп, 2018 жылдың  жылдың қазан айында 287,4 мың тенге игерді. Қалған қаржы 202,6 мың тенге үнемделген қаржы.

 Мемлекеттік тұрғын үй кезегі туралы.

Аудан көлеміндегі мемлекеттік тұрғын үйге мұқтаж азаматтар Қазақстан Республикасы Үкіметінің 2012 жылғы 26 маусымдағы «Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж Қазақстан Республикасының азаматтарын есепке қою қағидаларын бекіту туралы» № 856 Қаулысында көрсетілген санаттар бойынша мемлекеттік тұрғын үй кезегіне тұрады және Қазақстан Республикасының 1997 жылғы 16 сәуiрдегi «Тұрғын үй қатынастары туралы» N 94 Заңына сәйкес тұрғын үй комиссиясының шешімімен мемлекеттік тұрғын үйлер жалдау шарты негізінде үлестіріліп беріледі.

Мемлекеттік тұрғын үйге мұқтаж азаматтарды кезекке тіркеу мемлекеттік тұрғын үй комиссиясының хаттамалық шешімі негізінде жүзеге асырылады.

2018 жылдың І тоқсанында жылдың есебі бойынша 11 рет тұрғын үй комиссиясының отырысы өткізіліп, комиссия шешімімен 17 азаматтың құжаттары заңға қайшы келуіне байланысты кері қайтарылып 125 азамат тұрғын үй кезегіне тіркеуге қойылды.

Қазіргі таңда, 654 азамат 4 түрлі санаттар бойынша мемлекеттік тұрғын үй кезегінде тұр.