eGov-тың 30 қызметін ЭЦҚ-сыз алуға болады -- "Электрондық үкімет порталында ұялы телефон ..." -- 20 Қазан 2017
Мемлекет басшысы Сауд Арабиясы Корольдігінің ішкі істер министрімен ... -- "Мемлекет басшысы Нұрсұлтан Назарбаев Сауд ..." -- 19 Қазан 2017
Үкімет басшысы Б.Сағынтаев Қырғызстан делегациясымен өткен ... -- "ҚР Премьер-Министрі Бақытжан Сағынтаев ..." -- 19 Қазан 2017
Бақытжан Сағынтаев Қырғызстан Премьер-министрі Сапар Исаковпен ... -- "Қырғызстанның Премьер-министрі үлкен делегациямен ..." -- 19 Қазан 2017
ҚАЙТА ЖАҢҒЫРУҒА ЖОЛ АШАДЫ -- "Латын әліпбиіне көшуді қолдау мақсатында ..." -- 16 Қазан 2017
БЖЗҚ: салымшылар жеке деректемелерінің өзгергендігі жайында БЖЗҚ-ға ... -- "  Қазақстандықтардың көпшілігі ..." -- 12 Қазан 2017
Мемлекет басшысы Сочиде ТМД-ға мүше мемлекеттер кеңесінің отырысына ... -- "Сочиде  Мемлекет басшысы Нұрсұлтан ..." -- 11 Қазан 2017
Энергетика министрі Қанат Бозымбаев Мемлекет басшысынан сөгіс алды -- "Мемлекет басшысының өкімімен Қазақстан ..." -- 11 Қазан 2017
Сенаторлар Қазақстан мен Сауд Арабиясы арасында ұстап беру туралы заң ... -- "Сенат депутаттары Қазақстан мен Сауд Арабиясы ..." -- 11 Қазан 2017
Елбасы Мәскеу халықаралық қатынастар мемлекеттік институтының ... -- "  Кездесуге Парламент Сенатының төрағасы ..." -- 09 Қазан 2017

Шиелі аудандық мәдениет және тілдерді дамыту бөліміне қарасты мекеме кәсіпорындарының 2017 жылдың 9 айында өткізілген шаралардың жазбаша есебі

Шиелі ауданында бүгінгі таңда аудан халқына 1 аудандық мәдениет Үйі, 1 «Арман» кенттік мәдениет үйі,  Н.Бекежанов, Ы.Жахаев, Сұлутөбе, Бидайкөл, Бала би, Жөлек, Еңбекші, Байсын, Алғабас, Тартоғай -10 ауылдық мәдениет үйлері мен 15 ауылдық клубы - Төңкеріс,  Ақмая, Қызылдихан, Бестам, Досбол, Алмалы, Жансейіт, Бәйгеқұм, Ботабай, Қарғалы, Майлытоғай, 1 Май, Жиделіарық, Ортақшыл, Бірлестік: барлығы  26 мәдени ошақтары, 5 халықтық ұжым, 2 мәдени-демалыс кешендері халыққа  мәдени қызмет көрсетеді.

Ақпан айының 8-ші жұлдызында Бәйгеқұм ауылдық клуб үйінде Сырдың сүлейі ақын, көптеген шығармашылықтың авторы Махамбетқали Тұрсановтың 80-жылдық мерей тойы қарсаңында  «Нартай өнер мектебінің» ұйымдастыруымен өткен «Сымбатты сырдың жүйрігі,  Махамбетқалиі халықтың» атты кездесу кеші болып өтті. Салтанатты  кешті аудан әкімі Сәрсенбаев Қайратбек Әубәкірұлы ашып беріп, Махамбетқали Тұрсанов мерейтойымен құттықтап ыстық ықыласын білдірді. Кеште ақынның ізінен ерген шәкірттері Кенжебай Жүсіп, Рахметулла Жолтаев, Талғат Күзембаев, Ержан Әміровтер арнау өлеңдерімен  ұстаздарына тілектерін жеткізсе, «Нартай» өнер мектебінің ұстаздары мен шәкірттері Сыр сүлейлерінің жалғасы болған ақынның толғау-термелерін орындады. Кешке келген көрермендер рухани серпіліп қайтты.       

18 ақпан күні Жақаев ауылында балалар шығармашылығына арналған «Әнші балапан» атты бүлдіршіндер арасында ән байқауы  өткізілді. Байқауға кенттік «Арман» мәдениет үйі мен және  22  ауылдық мәдениет үйлері мен клубтардан әр түрлі жастағы  өнерпаз бүлдіршіндер қатысып өнерлерін ортаға салды. Өнерпаздарымызды саралай келгенде оза шапқан Байсын ауылынан келген Махмуд Ерқанат бас жүлдені, Арман кенттік мәдениет үйінен Дәуренұлы Әділжан І орынды, Алғабас ауылынан Ташмухаммед Дильназ және Бидайкөл ауылынан келген Ерхан Ақботалар  ІІ орынды, Нартай ауылынан Сақтағанова Гүлсезім  және Бәйгеқұм ауылының жас бүлдіршіні Оразалықызы Мәриялар ІІІ орындарды иеленді. Байқауға қатысушы басқа өнерпаздар алғыс хаттар мен бағалы сыйлықтарменен марапатталды.

20-ақпан күні Аудандық мәдениет үйінде облыстық ХІХ «Бозторғай» балалар шығармашылығы байқауының облыстық іріктеуі туры болып өтті. Байқауға облыстық халық шығармашылығын дамыту және мәдени-продюсерлік орталығының қызметкерлері Бағдагүл Есмұрзаева мен Рамазан Таймановтар қазылық жасап, Шиелі ауданы бойынша халықтық жанр, хореография  және  эстрадалық ән салу жанрлары бойынша           21 талапкер обылыстық байқауға жолдама алды.

24 ақпан күні Нартай Бекежанов ауылдық мәдениет үйінде жергілікті әнші, сазгер, Қазақстан Республикасына еңбегі сіңген қызметкер Әлмырза Ноғайбаевтың 70 жылдығына арналған «Әлмырзаның әдемі әндері» атты аудандық  ән байқауы өткізілді. Байқауға 11 ауылдың өнерпаздары қатысып өз өнерлерін көрсетіп оза шапқан өнерпаздар Бала би ауылынан келген Жағыпбар Айбар бас жүлдені, «Арман» кенттік мәдениет үйінің өнерпазы  Альфараби Бекарысұлы І орынды, Жиделі ауылынани Ержан Досмағанбетов ІІ орынды иеленсе,  Байсын ауылынан Олжас Үсенұлы мен Майлытоғай ауылының өнерпаздары  ІІІ орындарға ие болды. Байқауға қатысушылар алғыс хаттармен марапатталды.

Ақпан айының 24 жұлдызы күні кенттік «Арман» мәдениет үйінде «Бейбіт күннің батыр ұлдары» атты Кеңес әскерінің ауған жерінен шығарылғанына 28 жыл толуына орай салтанатты жиын өткізілді. Салтанатты жиынды аудан әкімінің орынбасары Есмаханов Алмасбек Әбілқасымұлы ашып, ауған соғысына  қатысып ерлігін көрсеткен ағаларымызды аудан әкімінің алғыс хатымен марапаттап, елге тыныштығын тіледі. Аудан өнерпаздары патриоттық әндерді шырқап жұртшылықтың ыстық ықыласына бөленді.

28 ақпан күні Шиелі кенттік «Арман» мәдениет үйінің ұйымдастыруымен  «Арман – шын өнердің ордасы» атты  үйірмелердің  2016 жылғы шығармашылық есеп беру ән кеші болып өтті. Көңілді кешке келген  көпшілік көрермендер рухани демалып қайтты.

Наурыз айының 1-і күні Шиелі кенттік «Арман» мәдениет үйінде Алғыс айту күніне орай «»  атты салтанатты шара өткізілді. Салтанатты жиынды аудан әкімінің орынбасары Есмаханов Алмасбек Әбілқасымұлы ашып беріп көпшілікті алғыс айту мерекесімен құттықтап, адамзат баласының бір біріне деген құрмет қошеметін білдірді. Салтанатты жиында әр түрлі ұлт өкілдерінен құралған концерттік бағдарламамен жалғасты.

3 наурыз күні аудандық  мәдениет үйінде Жастар орталығының ұйымдастыруымен Шәмші Қалдаяқовтың әндерінен қайырымдылық  концерті  болып өтті. Концерттік бағдарламада қайырымдылық қорына арнайы жәшігі қойылып, оған түскен қаржыны жағдайы төмен отбасыларға көмек ретінде берілді. Бұл концерттік бағдарламаға 20- ға жуық өнерпаздар қатысып, қалың көпшіліктің ыстық ықыласына бөленді.

7 наурыз күні аудандық мәдениет үйінде 8-наурыз Халықаралық әйелдер күні мерекесі арналған «Әлдиімен әлемді тербеткен» атты салтанатты кеш болып өтті. Кешті аудан әкімі Сәрсенбаев Қайратбек Әубәкірұлы ашып, аудан аналарын төл мерекелерімен құттықтады. Аудан өнерпаздары аналар тақырыбында жазылған әсем әндерді шырқап, көпшіліктің ыстық ықыласына бөленді. 

15 наурыз күні аудандық мәдениет үйінде, 1-сәуір күлкі күніне арналған «Тамашаның» және қазақ өнерінің тарланы Мейірман Нүрекеев атындағы «Мінекей, Мейірманның ізбасарлары» атты облыстық байқауының іріктеуі болып өтті.

19 наурыз күні Жөлек ауылдық мәдениет үйінде «Туған жерім-тірегім, қасиетті Жөлегім» атты мәдени көпшілік іс-шарасы өтізілді. Бұл шараның негізгі бөлімі «Тағлымы мол тарихи өлке» атты ғылыми-тәжірбиелік конференция болатын. Шараны аудан әкімі Сәрсенбаев Қайратбек Әубәкірұлы, тарих ғылымдарының докторы, профессор Сәтбай Тастанбек Яхияұлы және тарих ғылымдарының кандидаты Қаратаева Тәттігүл Ерсайыновалар ашып берді. Одан соң сөз кітаптың авторы Бегітай Сатаев сөз сөйлеп кітаппен таныстырып, ақиқатын арқалаған ұрпаққа ізін қалдырған бұл кітаптың оқырманы көп болсын деген тілегін білдірді. Кештің соңы ауыл өнерпаздарының концерттік бағдарламасына ұласты.

 22 наурыз күні орталық алаңда Ұлыстың ұлы күні Наурыз мейрамына арналған «Мәңгілік Елдің мәртебелі Наурызы» атты мерекесі аталып өтті. Мерекелік шарада Қыдыр ата мен Ұмай ана, Алдар Көсе және кернейшілер бейнесінде қойылым қойылып, мерекелік шараны аудан әкімі Сәрсенбаев Қайратбек Әубәкірұлы жиналған көпшілікті наурыз мерекелерімен құттықтап, ыстық ықыласын білдірді. Орталық алаңда қазақтың ою өрнекті көптеген қараша үйлері тігіліп, алтыбақан құрылып, спорттық ойындардың бірнеше түрлері өткізілді. Мерекелік шараның жалғасы аудан өнерпаздарының  концерттік бағдарламасымен ұласып, халықты бір серпілтіп тастады.

23 наурыз күні аудандық мәдениет үйінде «Түркістан – Түркі әлемінің мәдени астанасы» жылы аясында Түркітілдес мемлекеттерден келген өнер ұжымдарының Наурыз мерекесіне арналған концерттік бағдарламасы  болып өтті. Концерттік бағдарламаның ашылуын Шиелі ауданының әкімі Сәрсенбаев Қайратбек Әубәкірұлы және «ТҮРКСОЙ» халықаралық ұйымының Қазақстандағы өкілі Тұрғанбаев Асқар Әбдуалиұлы сөз сөйлеп түркі халықтарының туыстас мәдениетінің арасындағы дәнекер алтын көпіріміз ажырамысын деген ыстық ықыластарын білдіріп, жалғасы Түркітілдес мемлекеттен келген өнерпаздар аудан жұртшылығына керемет көңіл күй сыйлады.

Наурыз айының 24 күні аудандық мәдениет үйінде «Мәдениет өркенін бізбен бірге жаса!» атты клуб қызметкерлерінің  облыстық командалық байқауының іріктеуі болып өтті. Байқауға облыстық халық шығармашылығын дамыту және мәдени-продюсерлік  орталығының  әдістемелік бөлімнің қызметкері Зина Кенжетаева келіп қазылық жасады. Байқауға 14 ауылдық мәдениет үйлерімен клуб қызметкерлері қатысып, облысқа «Арман» мәдениет Үйі мен Төңкеріс ауылдық  клубтары жолдама алды.

29 наурыз күні ауданымызда Шиелі кенті «Береке» мөлтек ауданында жеке тұрғын үй салу үшін кезекте тұрған азаматтарға жер телімін табыстау рәсімі болып өтті. «Береке» мөлтек ауданында 9 қараша үйлер тігіліп, әр қараша үйдің тұсында әжелер ансамбльдері ән шырқап, келген қонақтарға жақсы көңіл күй сыйлады.  Бұл рәсімде облыс әкімі Қырымбек Елеуұлы сөз сөйлеп, жаңадан жер телімінің құжаттарын тапсырып, оларға  құтты қоныс тілеп, ыстық ықыласын білдірді. Соңы концерттік бағдарламаға жалғасты.

31 наурыз күні аудандық мәдениет  үйінде 1-сәуір – халықаралық күлкі күніне арналған «Мінекей Мейірманның ізбасарлары» атты әзіл-сықақ отауларының аймақтық байқауы болып өтті. Байқауды аудан әкімі Сәрсенбаев Қайратбек Әубәкірұлы сөз сөйлеп, қатысушы талапкерлерге сәттілік тілеп мерекемен құттықтады. Байқауға Ақтөбе, Жамбыл, Оңтүстік Қазақстан обылыстары мен Арал, Қармақшы, Сырдария, Жаңақорған, Шиелі аудандары және Қызылорда қаласының әзіл-сықақ отаулары қатысып өз өнерлерін ортаға салды. Қандай сайыс болмасын жеңіліспен жеңу бар демекші, бұл байқауда Қармақшы ауданының «Думан» халықтық әзіл-сықақ отауы Бас жүлдені, Тараз қаласынан келен «Күлкі шаңырақ» әзіл-сықақ отауы І орынды, Қызылорда қаласынан келген «Мереке» халықтық әзіл-сықақ отауы ІІ орынды, Шиелі ауданының «Қытық» Халықтық әзіл-сықақ отаулары ІІІ орындарға ие болса, Қ. Сұлтанбаев атындағы жүлдені Жаңақорған ауданының «Талап қырандары»әзіл-сықақ отауы, «Жаңашыл жастар» номинациясын  Ақтөбенің «Шаншу» әзіл-сықақ отауы, «Көрермендер көзайымы» номинациясын Оңтүстік Қазақстан облыстық әзіл-сықақ отауы, «Сатираның үздік ойыншысы» номинациясын Сырдария  аудандары алса, «Үздік әзіл» номинациясын Арал ауданы «Алдаспан» әзіл-сықақ отаулары Алғыс хаттармен бағалы сыйлықтарға ие болды.

Сәуір айының 12-13 күндері Қызылорда облысында өткен  ХІХ «Бозторғай» балалар шығармашылық байқауында би жанры бойынша  «Жас дәурен» ән-би ансамблі Бас жүлде. Әуез мектебінің оқушысы Әділжан Дәуренұлы эстрада жаныры бойынша Бас жүлде,Әкимәлі Әли ІІ орын, Әкім Шұғыла дипломант атанды. Ботабай ауылының оқушысы көркемсөз жанры бойынша І орындарға ие болды.

Сәуір айының 15 –і күні М.Шоқай атындағы орталық алаңда          15 сәуір-Ұлттық ғашықтар күніне арналған мәдени-көпшілік іс-шара өтті. Іс-шараның мақсаты ғашықтар арқылы мемлекетіміздің іргесін бекітіп, егемен еліміздің үлгілі отбасы болуына тәрбиелеу, оларға ұлттық құндылықтарымызды насихаттау болып табылады. Шараны аудан әкімінің орынбасары Алмасбек Әбілқасымұлы Есмаханов ашып, ғашықтар Ләйлі-Мәжнүн, Қыз-Жібек пен Төлеген, Қозы Көрпеш мен Баян, Фархат – Шырын т.б. –ды жиналған көпшілікке насихаттап, үлгі етіп, осы ғашықтар секілді болуға шақырды.

Мәдени шара соңы аудан өнерпаздарының концерттік бағдарламасына ұласты.

18 сәуір – «Халықаралық ескерткіштер мен тарихи орындарды қорғау күніне» арналған «Мәңгілік Ел-мәдени мұрасымен мәнді» атты мәдени көпшілік іс-шарасы аталып өтті.  Ескерткіштер-халықтың рухани қазынасы, ал ғасырлар қойнауында жатқан ұлттық тәрбиенің озық әрі өнегелі дәстүрлерін, асыл қасиеттерін ұтымды пайдалану – бүгінгі күннің аса маңызды міндеттерінің бірі. Шараны аудан әкімінің орынбасары Алмасбек Әбілқасымұлы Есмаханов ашып, ескерткіштерді қорғау жөнінде «Өткенді еске алмай, келешек түзелмейді» демекші ел есіндегілерге, қоғам қайраткерлеріне, тарихи оқиғаларға арнап қойылған ескерткіштерді елдігіміздің белгісіне балаймыз. Себебі, ескерткіштер ұлттық мақтанышымыз-деді.

2017 жылдың 20 сәуірі күні аудандық мәдениет Үйінде аудандық ардагерлер кеңесінің ұйымдастыруымен, мәдениет және тілдерді дамыту бөлімінің қолдауымен «Қазақтың келіндері-ай» атты аудандық келіндер сайысы болып өтті.

Өткізілген сайыстың мақсаты ұлттық салт – дәстүрімізге байланысты қоғамда, әр отбасында келіннің орнының ерекше екендігін, от басының ұйтқысы екендігін ұғындыру, кез келген жанның бойында келінге немесе болашақ анаға деген сыйластықты ояту, келіндердің бойындағы ізеттілікті, инабаттылықты бағалау, заман талабына сай ұлттық өнер мен өнегеге баулу, танымдық қабілетін арттыру болатын.

         4 кезеңнен тұратын сайысқа кент және ауылдық округтерден барлығы 18 келін қатысты.

Атап айтар болсақ,

  1. Таңқыбаева Ғалия – Алғабас ауылы
  2. Мылтықбай Асылзат – Бидайкөл ауылы
  3. Ермаханова Шәмшат – Еңбекші ауылы
  4. Нұртілеуова Лаура – Жөлек ауылы
  5. Жұмабаева Жұмакүл – Ақмая ауылы
  6. Райымбетова Нұрсұлу – Алмалы ауылы
  7. Малдыбаева Мөлдір – Бәйгеқұм ауылы
  8. Төлегенова Назерке – Ә.Тәжібаев ауылы
  9. Райымжанова Жаңагүл – Ортақшыл ауылы
  10. Байкенжеева Жеңіскүл – Қодаманов ауылы
  11. Тәтенова Ардақ – Майлытоғай ауылы
  12. Нұрділдаева Әйгерім – Қарғалы ауылы
  13. Жомартова Меруерт – Шиелі кенті
  14. Қайбуллаева Балғаным – Байсын ауылы
  15. Оразова Ләззат – Жиделіарық ауылы
  16. Данабекова Карима – Бестам ауылы
  17. Жұмағұлова Майра – Жансейіт ауылы
  18. Телжанова Еркеайым – Досбол ауылы

Сайысқа аудандық ардагерлер кеңесінің төрағасы Сұлтанбек Қойшыбайұлы Оразымбетов, «Аудандық әйелдер кеңесі» қоғамдық бірлестігінің төрағасы Шәмшат Оразымбет, аудандық «Өскен өңір» газетінің бас редакторы Нұрболат Пірімбет, аудандық ардагерлер кеңесі алқасының мүшесі Қалияш Тұрсынова, аудандық мәдениет үйінің сценарисі Айзада Әшімқызы қазылық етті.

Қазылар алқасының шешімімен Бас жүлдені Шиелі кентінен Жомартова Меруерт, І орынды Бәйгеқұм ауылынан Малдыбаева Мөлдір, ІІ орынды Жансейіт бөлімшесінен Жұмағұлова Майра, ІІІ орынды Төңкеріс ауылынан Байкенжеева Жеңіскүл иеленді.

Жеңімпаздар бағалы сыйлықтар,  Диплом, Алғыс хаттармен марапатталды. 

 Мамыр айында Қазақстан Республикасы алуан ұлтты бауырына қысқан, бейбітшілік пен татулықты әлемге үлгі еткен достықтың, ынтымақтың елі. Қазақстанда тұратын жүзден астам ұлт өкілдерінің тату- тәтті өмір сүруі де осының айғағы ретінде М. Шоқай алаңында 1 Мамыр – Қазақстан халықының бірлігі күні мерекесіне орай «Қазақстан достық шаңырағы» атты  өзге ұлт өкілдерімен бірлескен мәдени шара ұйымдастырылды. Шараға шешен ұлтының өкілі З. Хазуев, Орыс ұлтының өкілі Максим Нуштаев, Неміс ұлтының өкілі Анна Петровна, кәріс ұлтының өкілі Анастасия Цхай өз өнерлерімен көпшіліктің ыстық ықыласына бөленді.

7 мамыр Отан қорғаушылардың мерекесіне орай «Отаным бақыт ордасы» шара өткізілді. Шараны аудан әкімі Қ. Сәрсенбаев ашып, Шиелі халқын мерекемен құттықтап, елдің тыныштығын тіледі. Аудан өнерпаздары патриоттық әндерді шырқады.

9 мамыр Ұлы Жеңістің 72 жылдығына арналған «Тағзым» алаңында «Ерлікке мың тағзым» атты митингі болып өтті. Шара барысында аудан әкімі Қайратбек Сәрсенбаев,  Ұлы Отан соғысының ардагері Сәрсенбек Байжанов, ардагерлер кеңесінің төрағасы Оразымбетов Сұлтанбек құттықтау сөз сөйлеп, жұрттың амандығын тіледі. Аудан өнерпаздары соғыс жайында жазылған әндерді шырқап елдің ыстық ықыласына бөленді.

12 –мамыр күні аудандық мәдениет Үйінде ақын Жарасқан Әбдіраштың «Радионы ашып қалсаң – Ғафекең, теледидарды қосып қалсаң – Ғафекең...» деп басталатын ақын Ғафу Қайырбеков ағасына жазған әзіл өлеңі бар. Сондай-ақ, тойға барсаң да- Әшекең, асқа барсаң да – Әшекең, қонаққа барсаң да – Әшекең. Барлығына үлгеріп, жан-тәнімен қызмет жасап жүргені. Өстіп жүріп қазақтың ұлттық салт-дәстүрін, тілін, ділін, дінін, имандылығын насихаттап, елдігіміздің нығаюына ықпал жасауда- деп журналист Өркен Исмаилов жазғандай, расында осыған дейін Әшімхан ағайға «сегіз қырлы, бір сырлы» өз ісіне берілген азамат деп келсек, енді міне бүгіндері ел алдына шығып сөз бастайтын пайғамбар жасындағы ақсақалдар қатарына қосылды. Осы бағытта адандық мәдениет және тілдерді дамыту бөлімінің басшысы Әшімхан Оспановты құрметті еңбек демалысына шығарып салуға арналған «Мәдениет «мэрі» атты кеш ұйымдастырылды. Кешті аудан әкімінің орынбасары А.Ә. Есмаханов ашып, кеш иесін құттықтады. Кеш барысында әсем әндер шырқалып, түрлі билер биленіп, лэдэкраннан кеш иесі жайлы бейнефильм көрсетілді.

17-мамыр күні аудандық мәдениет Үйінде Туған жердің әсемдігін қаншалықты мақтағанмен, оның атын шығаратын, әсемдендіріп, түрлендіретін оның ұлдары мен қыздары. Осындай даралық пен даналықты бойларына жинаған Сыр перзенттері әртүрлі салада қызмет етсе де бір сәтке де туған жерін естен  шығармаған, тек елі үшін еңбек еткен жандар, Шиелі ауданының «Құрметті азаматтары»  бірі білікті дәрігер Базарбай Атабаев, бірі энергетика саласының білгірі Болатбек Медетбеков, бірі Сырдың бас ақыны Махамбетқали Тұрсановтардың  «Сексеннің биыл шықты сеңгіріне» атты кеш болып өтті. Кешті аудан әкімі Сәрсенбаев Қайратбек Әубәкірұлы ашып, кеш иелеріне шапанды сыйға тартты. Аудан өнерпаздары әсем әндерін шырқап, көпшіліктің ыстық ықыласына бөленді.                                           

20-мамыр күні  Ә. Тәжібаев ауылында Шиелі топырағының киелі екені рас. Әрине, қазақтың қай топырағының да киесі мен иесі бар. Десек те, көш бастаған көсем де, сөз бастаған шешен де, қол бастаған батыр да шыққан Шиелі - мақтауға да, мақтануға да тұрарлық мекен.

Мұнда күллі түркі әлемінің айбынына айналған Мұстафа Шоқай, орақ тілді, от ауызды Досбол би мен Балаби шешен, заманында Арқа мен Сырдың еркесі мен серкесі атанған Бұдабай мен Иманжүсіп, жыр мен сырдың жампоздары Мәнсүр мен Нартай, даңқты диқан Ыбырай Жақаев пен ғұлама ғалым Шахмардан Есенов, әдебиеттің алыптары Әбділда Тәжібаев пен Мұхамеджан Қаратаевтар дүниеге келген.

Өмірде «ұрпақ сабақтастығы» - деген ұғым бар десек, осы алыптардың жалғасы ретінде Шиелі өңірінен шыққан қаншама жақсылар мен жайсаңдар бар.    Сол үрдістің жарасымды жалғасының бірі ұлттық тарихымыздың жаңғырып, адамзат жадында қалуы үшін өлшеусіз еңбек етіп, Туған жердің  атын елге танытып жүрген ардақты азамат, жерлесіміз, тарихшы, этнолог, өнертанушы, Қазақстан Республикасы Журналистер одағының мүшесі, республикаға белгілі журналист  Өтеген Жексенбайұлы Әбдіраманның 70 жас мерейтойы аталып өтілді. Кеш барысында аудан әкімінің орынбасары А. Есмаханов кеш иесін құттықтады. Аудан өнерпаздары кеш иесіне әнен шашу шашты.

21-мамыр күні Майлытоғай ауылында Ұлы Отан соғысының ардагері «Қызыл жұлдыз» орденінің иегері Маханов Ыбырайхан атындағы көшенің ашылу  салтанатты болып өтті. Кеш барысында аудан әкімі Қ.Ә. Сәрсенбаев сөз сөйлеп ашты. Сонымен қатар ауыл ардагерлерінің атынан Т.Абасилов, Ыбырайхан Махановтың ағайындарының  атынан  С. Үсенов, Ұлы Отан соғысының ардагері,  «Қызыл жұлдыз» орденінің иегері Ыбырайхан     Махановтыңқызы Ұлбосын   Ыбырайханқызы сөз сөйлеп аудан халқына алғысын білдірді.

         23-мамыр күні  «Үздік клуб-2017», «Үздік әдістемелік бұрыш» атты облыстық байқауға аудандық іріктеу туры өткізілді. Аудандық іріктеу туры бойынша 6 мәдениет ошағы қатысып, облыстық байқауға Бәйгеқұм ауылдық клубымен «Арман» кенттік мәдениет үйі жолдама алды.

            30 мамыр күні аудандық мәдениет үйінде 31- мамыр саяси қуғын-сүргін және ашаршылық құрбандарын еске алу күніне арналған «Зұлмат жылдар жаңғырығы» атты аудандық жазба ақындардың жыр мүшайрасы өткізілді. Жыр мүшайраға барлығы 15 талапкерлер қатысып бақ сынасты. Мүшайраға төрелік жасаған «Ноғайбаевтар»  жанұялық ансамблінің жетекшісі Ә. Нөоғайбаев, аудандық «Өскен өңір » газетінің редакторы және «Шарайна-Сейхун» тілшісі Б.Жоламандар қтысушыларға әділ қазысын көрсетіп ,  оза шыққандар Дипломмен және Алғыс хаттармен марапатталады.

31 мамыр күні саяси қуғын –сүргін құрбандарын еске алу күніне орай Мұстафа Шоқай ескерткішінің жанында митинг өткізілді. Қоғам қайраткері

М Шоқай ескерткішінің жанында митинг өткізілді. Қоғам қайраткері М.Шоқай ескерткішіне гүл шоқтары қойылып, саяси қуғын-сүргін құрбандарын бір минуттық үнсіздікпен еске алды. Митингті аудан әкімі Сәрсенбаев Қайратбек Әубәкірұлы ашып, «бұл қазақ үшін қасіретті тарих бетінде өз таңбасын қалдырған бұл жылдарды бүгінгі ұрпақ ұмытпайды » деп атап өтті. Содан кейін №46 мектеп-лицей оқушыларының әдеби монтажы оқылды. Саяси қуғын-сүргін құрбандарына құран бағышталып, ендігі кезде елімізде тыныштық, халхымыздың амандығын тілеп тарқасты. Митингіге хатысушы халық саны 500-ге жуық.

         2017 жылдың 1 маусым- Халықаралық балаларды қорғау күніне арналған «Бақытты бал дәурен» атты ертеңгілік өтті.  Аудандық Мұстафа Шоқай алаңында концерт ұйымдастырылды. Аудан әкімінің орынбасары Алмасбек Есмаханов жылы лебізін білдіріп, жас бүлдіпшіндердің өнерін тамашалады.

         4 маусым – ҚР Рәміздер күніне арналған «Ел рәмізі – елдігімнің айғағы» атты салтанатты кеш өтті. Ауданымыздың өнерпаздары патриоттық  әндер шырқап, өнерлерін көрсетті. Халық дән риза болды.

2017 жылдың 22 маусымда «23 маусым- Қазақстан полициясының 25 жылдығына» арналған ІІБ-нің «Полиция қорғаным» атты салтанатты кеш болып өтті.  Кеште Мемлекеттік Ту әкелініп, Гимн ойналды. Полия қызметкерлерін төл мерекесімен Аудан әкімі Қ.Сәрсенбаев құттықтау сөзін сөйлеп, ыстық ықыласын білдірді. Одан соң  Шиелі аудандық Ішкі істер бөлімінің бастығы С.Тоқтыбаевтың құттықтау сөзінен кейін, марапаттау рәсімі өтті. Кеште Өркен Исмайлдың әндері орындалды. Атап айтар болсақ «Полиция маршы», «Ұлы дана ұланым», «Өшпес ерлік». Осы мерекелік кешке арнайы қонақ  ретінде  Елена Әбдіқалықова да өз ықыласын білдіріп, ән шырқады. Және де ауданымыздың өнерпаздары ән шырқап, кеш көңілді өтті.

2017 жылдың 23  маусым –мемлекеттік қызметкерлер күніне арналған іс-шара өткізілді. Аудан әкі сөз сөйлеп, қызметкерлерді құттықтады. Және де Облыс әкімінің «Алғыс хатын» ұсынды. Содан кейін, аудан әкімінің «Алғыс хатымен»  марапаттады.  Ары қарай Ант қабылдау рәсімі өтті. Арты концерттік бағдарламаға ұласты.

6 шілде –Астана қаласының туылған күні мерекесіне арналған «Асқақтай бер, нұрлы Астана»  атты мерекелік концерт болып өтті. Концертте аудан әкімі құттықтау сөз сөйлеп, елімізге тыныштық тіледі.    Мерекелік концерттік бағдарламада аудан өнерпаздары патриоттық тақырыптағы әндерді орындады.

   

Осы айда Қазақстан Республикасының Президенті Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» атты  Қазақстан халқына Жолдауын насихаттау аясында  «Болашақтың іргесін бірге қалаймыз!» атты аккомпаниаторлар арасындағы патриоттық ән байқауы болып өтті. Байқауға барлық ауылдан 15 талапкер қатысып, І орынды Алмалы ауылан Мөлдір Әлиева, ІІ орынды Сұлутөбеден Самал Жуандықова, ІІІ орынды Майлытоғай ауылынан Нұржан Маханов жеңіп алды.

Барлық ауылдарда 30 тамыз- ҚР Конституция күні мерекесіне орай салтанатты кештер өткізілді.

 

         Тамыз айында Ақмая ауылдық клубында есімі елге белгілі ақын  Таубай Қирабаевты еске алу құрметіне арналған «Тілегім сол- игілігін көріңдер» атты аудандық ақындар айтысы ұйымдастырылды. Айтысқа Жиделіден  Ержан Әміров,  Ержігіт Бекжан, Шиеліден Мұхамбетәлі Бекпейіс,  Еңбекшіден Сұлтанбек Қожабеков, Индустирялды колледжден Лесбек Әшірбек, Ақмая ауылынан қос жүйрік  Мирамбек Ибрагимов және Шыңғыс Құдайбергенов қатысып, өз бақтарын сынады. Айтыстың бас жүлдесін ҚР мәдениет қайраткері Кенжебай Жүсіп,  І орынды жиделілік Ержан Әміров, ІІ орынды Шиелілік Мұхамбетәлі Бекпейіс, ІІІ орынды Ақмая ауылынан қатысқан Шыңғыс Құдайбергенов және Жиделіарық ауылының айтыскер ақыны Ержігіт Бекжан иеленді. Барлық қатысушыларға бағалы сыйлықтармен алғыс хаттар табыс етілді.

Осы айда Қазақстан Республикасының Президенті Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» атты  Қазақстан халқына Жолдауын насихаттау аясында  «Болашақтың іргесін бірге қалаймыз!» атты аккомпаниаторлар арасындағы патриоттық ән байқауы болып өтті. Байқауға барлық ауылдан 15 талапкер қатысып, І орынды Алмалы ауылан Мөлдір Әлиева, ІІ орынды Сұлутөбеден Самал Жуандықова, ІІІ орынды Майлытоғай ауылынан Нұржан Маханов жеңіп алды.

Барлық ауылдарда 30 тамыз - ҚР Конституция күні мерекесіне орай салтанатты кештер өткізілді.

Қыркүйек айында барлық ауылдарда білім күні мерекесі аталып өтілді.

Сонымен қатар қыркүйек айында М. Шоқай алаңында «Денсаулық фестивалі - 2017» атты фестивалі өткізілді. Фестиваль аясында спорттық сайыстан жеңімпаз атанған спортшылар марапатталып, аудан өнерпаздары патриоттық тақырыптағы әндерді шырқады.

Осы айда аудандық мәдениет Үйінде Қазақстан халықтары Тілдері мерекесі күніне арналған «Тіл – татулық тірегі» атты  өзге ұлт өкілдерінің қатысуымен фестиваль ұйымдастырылды. Фестиваль аясында мәдениет Үйінің өнерпаздары өзге тілде ән шырқаса,  орыс ұлтының өкілдері  Есмаева Елизавета  халық әні «Япурай», Оксана Зотова Ж. Дугалованың әні  «Ризамын», кәріс ұлтының өкілі Пак Елене Дәулетбек Байдырахмановтың  «Ар ожданым қазақ тілім» өлеңін жатқа оқып көпшіліктің ыстық ықыласына бөленді.

22 қыркүйегі күні Байсын ауылдық мәдениет Үйінде  22 қыркүйек – Қазақстан халықтары Тілдері күні мерекесі аясында Абай Құнанбаевтың шығармашылығын насихаттау мақсатында «Тіл – тірегіміз, Соғып тұрған - жүрегіміз» атты көркемсөз оқу шеберлерінің байқауы болып өтті.

Байқаудың мақсаты ақын өлеңдері мен қара сөздері арқылы қазақстандық рухани бірлікті қалыптастыру, отансүйгіштік сезімді арттыру, ақынның мұрасын  жан-жақты насихаттау,  мемлекеттік  тіл  саясатын  одан  әрі  жетілдіру,  тіл  мәдениетін  көтеру,  көркем  әдебиетті  насихаттауды  жандандыру, талантты  жастарды  іздеп  табу  және  оларға  қолдау  көрсету болып табылады. Байқау 2 кезеңнен тұрды. Ереже талаптарына сай І кезең бойынша  Абайдың  1 /бір/ қара сөзінің жатқа оқу болса,   ІІ кезеңде Сыр өңірі ақындарының тіл туралы 1 /бір/ өлеңін жатқа оқуы тиіс. Аудандық байқауға барлығы 24 үміткер қатысты. Байқау қорытындысымен Бас жүлдені «Арман» мәдениет Үйінен Диана  , І орынды Жөлек ауылынан Өмірбекқызы Ақниет, ІІ орындарды Байсын ауылынан Несібелі, Еңбекші ауылынан Өскенбай Сырымбет, ІІІ орындарды Ақмая ауылынан Пак Елена, Жиделіарық ауылынан Ержігітова Дильназ, Майлытоғай ауылынан Сағатбек Шұғыла  иеленді. Жеңімпаздар мен қалған қатысушылар Диплом, Алғыс хат және бағалы сыйлықтармен марапатталды.

Осы қыркүйек айында Мерейлі отбасы күніне және Қазақстанның Еңбек сіңірген мәдениет қызметкері, жазушылар, журналистер одағының мүшесі, Шиелі ауданының «Құрметті азаматы» тіл, ұлт жанашыры, әнші, термеші, елуден астам әндердің авторы композитор Мұхамеджан Рүстемовтің 85 жылдығына арналған «Ақ босаға» атты аудандық жас отбасылар байқауы болып өтті. Байқау 4 кезеңнен тұрды. I кезең «Кереге» таныстыру /өз отбасын толықтай таныстырады/, II  кезең « Кім тапқыр?» сұрақ- жауап /салт-дәстүрден сұрақ қойылады/, III кезең «Өз өнерім» өнер көрсету / М.Рүстемовтің 1 әнін орындау/, ІҮ кезең «Үй тапсырмасы»  /Үйден дайындалып келген  қол өнер бұйымдарын, ұлттық тағамдарын  таныстырады/. Осы кезеңдерден сүрінбей өткен Алғабас ауылынан келген  Ағзамовтар отбасы І орынды, жөлектік Рахметовтер отбасы ІІ орынды , Майлытоғайлық Махановтар мен Бестамдық Кенжеболатовтар ІІІ орынды өз ара бөлісті. Барлық қатысушыларға Алғыс хаттармен Дипломдармен бағалы сыйлықтар табыс етілді.

 

Видео ақпараттар

Scroll to top