АУДАН ТҰРҒЫНДАРЫНА МЕМЛЕКЕТТІК БАҒДАРЛАМАЛАРДЫ ТҮСІНДІРУ МАҚСАТЫНДА ... -- "АУДАН ТҰРҒЫНДАРЫНА МЕМЛЕКЕТТІК БАҒДАРЛАМАЛАРДЫ ..." -- 21 Қазан 2019
Мекенжай анықтамасын алып тастау бойынша -- "Мекенжай анықтамасын алып тастау бойынша ..." -- 21 Қазан 2019
АҚПАРАТТЫҚ ХАБАРЛАМА -- "              ..." -- 18 Қазан 2019
АҚПАРАТТЫҚ ХАБАРЛАМА -- "              ..." -- 18 Қазан 2019
БОС ЖҰМЫС ОРЫНДАРЫНЫҢ ЖӘРМЕҢКЕСІ !!! -- "Шиелі ауданы тұрғындарына! 2019 жылғы 11 ..." -- 10 Қазан 2019
АҚПАРАТТЫҚ ХАБАРЛАМА -- "Жоғары оқу орындары студенттеріне арналған байқау ..." -- 10 Қазан 2019
«ӘКЕ - ЕР, АНА – ЖІГЕР, БІР ҮЙДЕ ЕКІ КЕМЕҢГЕР» -- "ӘКЕ - ЕР, АНА - ЖІГЕР, БІР ҮЙДЕ ЕКІ КЕМЕҢГЕР» ..." -- 27 Қыркүйек 2019
ШИЕЛІ АУДАНЫНДА ТЕРРОРИЗМГЕ ҚАРСЫ КОМИССИЯ ОТЫРЫСЫ ӨТКІЗІЛДІ -- "2019 жылдың 18 қыркүйек күні Шиелі ауданы ..." -- 27 Қыркүйек 2019
ХАБАРЛАНДЫРУ -- "  ҮІ  шақырылған аудандық ..." -- 24 Қыркүйек 2019
БАСПАСӨЗ ХАБАРЛАМАСЫ -- "БАСПАСӨЗ ХАБАРЛАМАСЫ 21 қыркүйек 2019 жыл ..." -- 24 Қыркүйек 2019

Әдеп жөніндегі уәкіл

78976631657

Т.А.Ә:  Жағыпбаров Тұрмағанбет Әлиасқарұлы
Лауазымы:  Шиелі ауданы әкімінің орынбасары,
Шиелі ауданы бойынша жергілікті атқарушы органдардың Әдеп жөніндегі уәкілі 

Мекен-жайы:  Шиелі ауданы, Шиелі кенті, Т.Рысқұлов №6, Кабинет №3 (Аудан әкімінің орынбасарларының қабылдау бөлмесі)

Эл.пошта: t.zhagypbarov@korda.gov.kz
Қабылдау кестесі: әр дүйсенбі күні сағ. 16:00-ден 18:00-ге дейін, Байланыс телефоны: 8(724-32) 4-13-72

 Әдеп жөніндегі уәкілдің қызметі

2018 жылғы 23 мамырдағы аудан әкімінің өкімімен Шиелі ауданы әкімі аппаратындағы әдеп жөніндегі уәкілдің функциялары мен міндеттері аудан әкімінің орынбасарына жүктеліп, Әдеп жөніндегі уәкіл туралы ақпарат және азаматтар мен мемлекеттік қызметшілерді қабылдау туралы ақпарат аудан әкімдігінің ресми интернет-ресурсында арнайы бөлімде, сонымен қатар, аудан әкімі аппараты ғимаратының көрнекі жерінде орналастырылды.
Әдеп жөніндегі уәкіл – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін  бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші.

Әдеп жөніндегі уәкіл өз қызметінде "Қазақстан Республикасының мемлекеттік қызметі туралы" 2015 жылғы 23 қарашадағы, "Сыбайлас жемқорлыққа қарсы іс-қимыл туралы" 2015 жылғы 18 қарашадағы Қазақстан Республикасының заңдарын, Әдеп кодексін, сондай-ақ Қазақстан Республикасының өзге де заңнамалық актілерін басшылыққа алады.
Әдеп жөніндегі уәкілдің дербес лауазымы аумақтық бөлімшелері немесе ведомстволарының аумақтық бөлімшелері, шет елдегі мекемелері бар орталық мемлекеттік органдарда, сондай-ақ облыстар, республикалық маңызы бар қалалар және Астана әкімдерінің аппараттарында енгізілген және әдеп жөніндегі уәкілдің функциялары осы мемлекеттік органдардың қызметшілеріне жүктелген.

Әдеп жөніндегі уәкілдің функциялары басшылық қызмет атқаратын, сондай-ақ ұжымда қадірлі және құрметке ие болған мемлекеттік қызметшіге жүктеледі.

Әдеп жөніндегі уәкіл өз құзыреті шегінде мынадай функцияларды жүзеге асырады:

  1. мемлекеттік қызметшілерге Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасының және  Әдеп кодексінің талаптарын сақтау мәселелері бойынша консультациялық көмек көрсетеді;
  2. мемлекеттік қызметшілердің заңдарда белгіленген шектеулер мен тыйымдарды сақтауына ықпал етеді;
  3. өзі жұмыс істейтін мемлекеттік орган басшылығының тапсырмасы бойынша мемлекеттік қызметшілердің қызметтік әдеп нормаларын бұзу фактілері бойынша жеке және заңды тұлғалардың өтініштерін қарайды;
  4. ұжымда жалпы қабылданған моральдық-әдептілік нормаларына сәйкес келетін өзара қатынастар мәдениетін қалыптастыруға жәрдемдеседі;
  5. мемлекеттік қызметшілердің құқықтары мен заңды мүдделері бұзылған жағдайларда, оларды қорғауға және қалпына келтіруге бағытталған шараларды қабылдайды;
  6. мемлекеттік қызметшілердің қызметтік әдеп нормаларын сақтауын мониторингтеуді және бақылауды жүзеге асырады;
  7. мемлекеттік органдардың құрылымдық бөлімшелері басшыларының қызметтік әдеп нормаларын бұзу деректері бойынша тиісті шараларды қабылдамау жағдайлары туралы мемлекеттік органның басшылығына хабарлайды;
  8. мемлекеттік қызметшілер Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін бұзған жағдайларда, құқық бұзушылықтарды жасауға ықпал ететін себептер мен шарттарды талдайды және мемлекеттік органның басшылығына оларды жою туралы ұсынымдар енгізеді;
  9. Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін бұзу профилактикасы және оған жол бермеу, сондай-ақ мемлекеттік қызметтің оң бейнесін қалыптастыру мақсатында азаматтық қоғам институттарымен және мемлекеттік органдармен өзара іс-қимыл жасайды;
  10. Қазақстан Республикасының мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін сақтау мәселелері бойынша мемлекеттік қызметшілермен түсіндіру жұмыстарын тұрақты негізде жүргізеді;
  11. заңнамада белгіленген тәртіппен тиісті лауазымды адамдарға қызметтік әдеп нормаларын бұзуға жол берген мемлекеттік қызметшілердің жауапкершілігін қарау туралы ұсыныммен жүгінеді;
  12. қызметтік әдеп нормаларын бұзудың профилактикасы мақсатында өзге де қызметті ұйымдастырады.

 

Мақалалар

Мемлекеттік қызметші және әдеп

Тұтас бір қоғамда тіршілік еткен соң, қарапайым адамдар белгілі бір әдепке сай қарым-қатынас жасайтыны белгілі. Ал, күнделікті қызметінде тұрғындардың түрлі уәждеріне құлақ асып, олардың мәселелерімен айналысатын мемлекеттік қызметшілерге тиісті әдеп нормаларын сақтау басты міндет.

Мемлекеттік қызметшілердің басты ережесі  саналатын Әдеп кодексі Қазақстан Республикасы Президентінің 2015 жылғы 29 желтоқсандағы №153 «Қазақстан  Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралары туралы» Жарлығымен бекітілген.

Бұл кодекс мемлекеттік қызметшілердің қызметтегі және күнделікті өмірдегі жүріс-тұрыстарының жаңа стандарты айтылған. Осыған орай, мемлекеттік органдарда  әдеп жөніндегі уәкіл енгізілген. Әдеп жөніндегі уәкілдің міндетіне мемлекеттік қызметтің әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексіне қайшы әрекеттердің   алдын алу жұмыстарын үйлестіру жатады.  Бұл орайда, мемлекеттік қызметшінің моральдік бет-бейнесі мен этикасына айрықша көңіл бөлінетіндігін атап өткен жөн.

Негізінен мемлекеттік қызметшілер жұмыс уақытынан бос уақыттарында да Әдеп кодексін қатаң ұстауы міндетті. Демек қызметкер барынша сыпайы, өзінің лауазымдық артықшылығын жеке басының пайдасы үшін  қолданбайтын адал, кез-келген сәтте сабырлы, ұқыпты болғаны жөн. Сондай-ақ мемлекеттік қызметшілердің  жеке өмірінде де аңдап басып, өз ісімен өзгеге үлкі болуды естен шығармағаны абзал. Олардың күнделікті міндеті қарапайым адамдармен қарым-қатынас жасау арқылы жүзеге асырылатынын ескерсек, мемлекеттік қызметші кәсіби біліктілікпен қатар адамгершілік қасиеттерде қажет.  Қалай десекте,  мемлекеттік қызметшінің күнделікті өмір салты тиісті заң талаптарына толық сай болғаны дұрыс.

Осы орайда, ҚР мемлекеттік қызмет істері және сыбайлас жемқорлыққа қарсы іс-қимыл агенттігі мемлекеттік органдарда мемлекеттік қызметшілердің әдептілігін көтеру мақсатында жағдаяттық мысалдар негізінде берілетін «Мемлекеттік қызметшінің әдебі және мінез-құлық нормалары» нұсқаулығын (pocketbook) әзірлегенін атап өткен жөн.

Аталмыш нұсқаулықта мемлекеттік қызметшілердің жұмыс және жұмыстан тыс уақыттағы негізгі мінез-құлық қағидалары қарастырылған. Сонымен қатар, мемлекеттік қызметшілердің өзінің құқықтарын қорғау жолдары жайында мәліметтер келтірілген.  

Бұдан мемлекеттік қызметке қоғам мен мемлекет тарапынан ерекше сенім білдірілгенін аңғару қиын емес. Оның үстіне бұл сала мамандарына әркез жоғары талаптар қойылады. Қарапайым халықпен қызмет барысында күнделікті байланысқа түсетін мемлекеттік қызметшілер арасында жоғары мәдениеттілікті қамтамасыз ету арқылы  мемлекеттік органдарға сенімін нығайту мақсатында нұсқаулық мемлекеттік қызметшілер арасында таратуға жолданды.

«Мемлекеттік қызметшінің әдебі және мінез-құлық нормалары» нұсқаулығы Шиелі ауданы әкімдігінің және Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің ресми сайттарында жарияланған.  

Шиелі ауданы бойынша жергілікті атқарушы органдардың Әдеп жөніндегі уәкілі Жағыпбаров Тұрмағанбет Әлиасқарұлы

 

 

Ақпараттар

 

Мемлекеттік қызмет атқару қоғам мен мемлекет тарапынан ерекше сенім білдіру болып табылады және мемлекеттік қызметшілердің моральдық-этикалық бейнесіне жоғары талаптар қояды.

Аудандық орталықтандырылған кітапхана жүйесінде арнайы мемлекеттік қызметшілерді мәдени-қоғамдық өмірге тарту мақсатында «Мемлекеттік қызмет халық үшін еңбек» бұрышы қалыптастырылды. 

111111.PNG

2019 жылдың 19 ақпан күні аудан әкімдігінің мәжіліс залында  кент және ауылдық округ әкімдері мен дербес бөлім басшылары, олардың қызметшілерінің қатысуымен моральдық-әдептік құндылықтарды ілгерілету арқылы мемлекеттік қызметтің беделін арттыру, Әдеп жөніндегі уәкіл туралы оң қоғамдық пікір қалыптастыру және «Мемлекеттік қызметшінің әдебі және мінез-құлық нормалары» атты нұсқаулығына (pocketbook) енгізілген өзгерістер мен толықтырулар бойынша жиналыс өткізілді.

Жиналыс барысында мемлекеттік қызметшілердің әдепсіз мінез-құлық жағдайлары туындаған сәтте қалай өзінің құқықтарын қорғауға және қайда жүгінуге болатыны, мүдделер қақтығысы, сыйлықтар алу және мемлекеттік қызметшілердің шетелде іс сапарларда болғанда өздерін ұстау жөнінде талқыланып тиісті тапсырмалар берілді.

Өткізілген жиналыс барысы аудандық «Өскен өңір» газетінің 2019 жылғы 26 ақпандағы №16 (8667) нөмерінде жарық көрді. 

222222.PNG

 

555555.PNG

Шиелі ауданы әкімдігіне қарасты барлық мемлекеттік қызметшілердің салауатты өмір салтын қалыптастыру, әлеуметтік құқықтарын көтеру мақсатында спорт объектілеріне бару кестесі бекітіліп, кестеге сәйкес әрбір мекемеге жақын орналасқан мектептер белгіленіп, әр аптаның бейсенбі күндері қызметкерлер белгіленген мектептің спорттық залында тегін дене шынықтыруға мүмкіндік алды.

66666666.PNG

Мемлекеттік қызметшілердің әлеуметтік қорғалуы мақсатында өткен жылдың желтоқсан айында Шиелі ауданы әкімдігіне қарасты жергілікті атқарушы органдарда (аудан әкімі аппараты, дербес бөлім мен кент және ауылдық округ әкімі аппаратының қызметкерлері) жұмыс жасайтын қызметкерлер профилактикалық тексеруден өткізілді. 

999999999.PNG

 

 

Фотогалерея

 

DSC_0077.JPG

DSC_0091.JPG

DSC_0110.JPG

DSC_0114.JPG

DSC_0117.JPG

DSC_0175.JPG

DSC_0219.JPG

DSC_0796.JPG

DSC_0798.JPG

DSC_8061.JPG

DSC_8067.JPG

DSC_8071.JPG

DSC_8079.JPG

 

 

Покетбук. Мемлекеттік қызметшінің әдебі және мінез құлық нормалары

 

Мемлекеттік қызметшінің әдебі және мінез құлық нормалары жүктеу

 

Видео ақпараттар

Scroll to top