АЛМАЛЫ АУЫЛДЫҚ ОКРУГІ ӘКІМІНІҢ ЕСЕБІ -- "Алмалы ауылдық округінің әкімі Болат Тұрматұлының ..." -- 18 Қаңтар 2018
АҚТОҒАН АУЫЛДЫҚ ОКРУГІ ӘКІМІНІҢ ЕСЕБІ -- "  Шиелі ауданы, Ақтоған ауылдық округінің ..." -- 18 Қаңтар 2018
ТАЛАПТАН АУЫЛДЫҚ ОКРУГІ ӘКІМІНІҢ ЕСЕБІ -- "Шиелі ауданы, Талаптан ауылдық округінің әкімі ..." -- 18 Қаңтар 2018
Хабарландыру!!!! -- "" -- 17 Қаңтар 2018
АУЫЛ ӘКІМДЕРІ ХАЛЫҚ АЛДЫНДА ЕСЕП БЕРДІ -- "Ақмая ауылдық округі: Елбасымыздың биылғы ..." -- 15 Қаңтар 2018
Көрсетілетін қызметтердің проактивті әдісі бойынша пилоттық жоба ... -- "Бүгінгі таңға дейін ата-аналар бала туғаннан ..." -- 15 Қаңтар 2018
Елбасы АҚШ-тың Қазақстандағы Төтенше және Өкілетті Елшісі Джордж ... -- "Нұрсұлтан Назарбаев Вашингтонға ресми сапары ..." -- 10 Қаңтар 2018
Командалық-штабтық оқу-жаттығуы өткізілді -- "Кеше Шиелі ауданында Қызылорда облысы әкімінің ..." -- 10 Қаңтар 2018
«5 сауал» атты дәстүрлі айдарымызды жалғастыра отырып, сіздердің ... -- "«5 сауал» атты дәстүрлі айдарымызды жалғастыра ..." -- 08 Қаңтар 2018

Мемлекеттік орган туралы жалпы ақпарат

Шиелі аудандық жер қатынастары бөлімі

  • Почта индексі: 120700;
  • Мекен-жайы: Қызылорда облысы, Шиелі кенті, «Көкшоқы» мөлтек ауданы, Исатай Әбдікәрімов көшесі, №11.
  • Тел./факс: 8-724-32-35-5-02;
  • Электрондық пошта: E-mail:Zemkom_Shieli@mail.ru

«Шиелі аудандық жер қатынастары бөлімі»  коммуналдық мемлекеттік мекемесінің басшысы:

erlanМеңлібеков Ерлан Талғатбекұлы Облыс әкімінің келісімімен «Қазақстан Республикасының Мемлекеттік қызметі туралы» Заңының  15 бабының 1 тармағына сәйкес  аудан әкімінің 2016 жылғы 10 қарашадағы №1335-ө өкімімен «Шиелі аудандық жер қатынастары бөлімі» коммуналдық мемлекеттік мекемесінің басшысы қызметіне тағайындалды.

Меңлібеков Ерлан Талғатбекұлы 1985 жылы 11 шілдеде Қызылорда облысы, Шиелі ауданы, Шиелі кентінде туылған. Білімі жоғары. 2008 жылы С.Сейфуллин атындағы Қазақ Аграрлық университетін жер ресурстарын басқару және жерді үйлестіру инженері, 2012 жылы 
«Тұран Астана» университетін менеджмент бакалавр мамандығы бойынша бітірген.

Еңбек жолын 2008-2010 жылдары «Sport line» жауапкершілігі шектеулі серіктестігінде жабдықтаушы маман болып бастаған.

2010-2012 жылдары «Шиелі аудандық тұрғын үй коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесінде инспектор;

2012-2015 жылдары «Жамбыл, Қызылорда, Оңтүстік Қазақстан облысы бойынша өңіраралық жер инспекциясы» мемлекеттік мекемесінің Қызылорда облысы бойынша жерді пайдалану мен қорғау жөніндегі инспекторы;

2015 жылдың 27 наурызынан бастап «Шиелі аудандық жер қатынастары бөлімі» коммуналдық мемлекеттік мекемесінің бас маманы қызметін атқарып келді. 

         Отбасылы.

 Негізгі міндеттер:

1. Бөлім жұмысына жалпы басшылық жасау, жер ресурстарын басқару, жер қатынастарын реттеу саласында бірыңғай мемлекеттік саясатты жүргізу, жер реформаларын және жерге орналастыру жөніндегі жұмыстарды ұйымдастыру, жер заңдарын, жерді пайдалануын ұйымдастыру жөніндегі аудандық өкілетті және атқарушы органдардың шешімдерін орындау, қолайлы экологиялық ортаны жасау және табиғи ландшафттарды жақсарту, мемлекеттік жер кадастры мен жер мониторингін жүргізуді ұйымдастыру, жерді аймақтандыруды ұйымдастыру. 

2. ҚР Президенті Жарлықтарының, ҚР Үкіметі қаулыларының, облыс, аудан әкімдерінің өкім, шешімдерінің орындалуын бақылау.

3.Бөлімнің жұмысын тиімді әрі нәтижелі ұйымдастыра білу.

 Құрылымы

Аты-жөні

Қызметі

Жұмыс телефоны

1

Меңлібеков Ерлан Талғатбекұлы

Басшы

35-5-63

2

Райымқұлова Ұлбосын Сарсенбекқызы

Бас маман

35-5-02

3

Сейтжанова Сырғаш Әбдімәлікқызы

Жетекші маман

35-5-02

Жалпы мәлімет

Мемлекеттік органның құрылғаны туралы тарихи анықтама: 

ҚР-ның «Қазақстан Республикасындағы жергілікті мемлекеттік басқару туралы» Заңының 37 бабының 3 тармағын басшылыққа ала отырып, ҚР-ның  «Мемлекеттік қызмет туралы» Заңының 24 бабының 4 тармағына, ҚР Президентінің 2000 жылдың 10 наурыздағы №357 Жарлығымен бекітілген «Мемлекеттік қызмет өткеру тәртібі туралы» Ереженің 32 тармағына және ҚР Үкіметінің 2004 жылдың 4 қазанындағы №1022 «Мемлекеттік басқару үлгі құрылымын бекіту туралы», 2005 жылдың 27 желтоқсанындағы №1294 «Жергілікті атқарушы органдардың штаттық санының лимитін және жергілікті мемлекеттік басқару үлгі құрылымын бекітудің кейбір мәселелері туралы» қаулыларымен, Шиелі ауданы әкімиятының 2005 жылдың 30 желтоқсанындағы №1230 «Ауданның басқару құрылымы туралы» қаулысына сәйкес 2006 жылы 1 қаңтарда Шиелі аудандық жер қатынастары бөлімі мемлекеттік мекемесі құрылды. Аудандық жер қатынастары бөлімінің меңгерушісі болып 2006 жылдың 18 қаңтарында аудан әкімінің №760-ө өкімімен М.Дүйсебаев тағайындалды. М.Дүйсебаевтың басқа қызметке ауысуына байланысты 2009 жылдың 23 қаңтарында аудан әкімінің № 320-ө өкімімен бөлім басшысы қызметіне Е.Абдыкалыков тағайындалды.Өз өтінішіне байланысты Е.Абдыкалыков 2010 жылдың 17 ақпанынан бастап қызметтен босатылды. Аудан әкімінің 2010 жылғы 17 ақпандағы №764-ө өкімімен аудандық жер қатынастары бөлімінің басытығы міндетін атқару бөлімнің бас маманы Т.Әлтеновке жүктелді. 2010 жылдың 27 сәуірінен бастап аудан әкімінің №846-ө өкімімен бөлім басшысы қызметіне Г.Құлмырза тағайындалып, 2014 жылдың 27 тамызында зейнеткерлікке шығуына байланысты қызметінен босатылды. Аудан әкімінің 2014 жылдың 27 тамызындағы №200-ө өкімімен бөлімнің бас маманы Т.Әлтенов бөлім басшысының міндетін атқарды. 2014 жылдың 6 қазанынан бастап аудан әкімінің №275-ө өкімімен Т.Әлтенов бөлім басшысы қызметін осы уақытқа дейін атқаруда.  

Ереже

"Шиелі ауданының жер қатынастары бөлімі" коммуналдық мемлекеттік мекемесінің Ережесі

1. Жалпы ережелер

      1. "Шиелі ауданының жер қатынастары бөлімі" коммуналдық мемлекеттік мекемесі жер қатынастары саласындағы басшылықты жүзеге асыратын Қазақстан Республикасының мемлекеттік органы болып табылады.
      2. "Шиелі ауданының жер қатынастары бөлімі" коммуналдық мемлекеттік мекемесінің құрылтайшысы Шиелі ауданының әкімдігі болып табылады.
      "Шиелі ауданының жер қатынастары бөлімі" коммуналдық мемлекеттік мекемесіне қатысты коммуналдық меншік құқығы субъектісінің құқықтарын "Шиелі аудандық қаржы бөлімі" коммуналдық мемлекеттік мекемесі жүзеге асырады.
      3. "Шиелі ауданының жер қатынастары бөлімі" коммуналдық мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
      4. "Шиелі ауданының жер қатынастары бөлімі" коммуналдық мемлекеттік мекемесі-мемлекеттік мекеме ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарында шоттары болады.
      5. "Шиелі ауданының жер қатынастары бөлімі" коммуналдық мемлекеттік мекемесі азаматтық-құқықтық қатынастарға өз атынан түседі.
      6. "Шиелі ауданының жер қатынастары бөлімі" коммуналдық мемлекеттік мекемесі егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
      7. "Шиелі ауданының жер қатынастары бөлімі" коммуналдық мемлекеттік мекемесі өз құзыретінің мәселелері бойынша заңнамада белгіленген тәртіппен "Шиелі ауданының жер қатынастары бөлімі" коммуналдық мемлекеттік мекемесі басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
      8. "Шиелі ауданының жер қатынастары бөлімі" коммуналдық мемлекеттік мекемесінің құрылымы мен штат санының лимиті қолданыстағы заңнамаға сәйкес бекітіледі.
      9. Заңды тұлғаның орналасқан жері: Қызылорда облысы, Шиелі ауданы, Шиелі кенті, Көкшоқы ықшам ауданы, И.Әбдікәрімов көшесі, № 11 индекс 120700.
      "Шиелі ауданының жер қатынастары бөлімі" коммуналдық мемлекеттік мекемесінің жұмыс кестесі: 
      1) дүйсенбі мен жұма аралығында 5 (бес) күн жұмыс істейді;
      2) жұмыс уақыты жергілікті уақыт бойынша сағат 09.00-ден 19.00-ге дейін. Сағат: 13.00-ден 15.00-ге дейін үзіліс).
      3) сенбі және жексенбі күндері, сондай-ақ Қазақстан Республикасының заңнамасымен белгіленген мереке күндері жұмыс істемейді.
      10. Мемлекеттік органның толық атауы: “"Шиелі ауданының жер қатынастары бөлімі"коммуналдық мемлекеттік мекемесі.
      11. Осы Ереже "Шиелі ауданының жер қатынастары бөлімі" коммуналдық мемлекеттік мекемесінің құрылтай құжаты болып табылады.
      12. "Шиелі ауданының жер қатынастары бөлімі" коммуналдық мемлекеттік мекемесі қызметін қаржыландыру аудан бюджетінен жүзеге асырылады.
      13. "Шиелі ауданының жер қатынастары бөлімі" коммуналдық мемлекеттік мекемесі кәсіпкерлік субъектілерімен "Шиелі ауданының жер қатынастары бөлімі" коммуналдық мемлекеттік мекемесінің функциялары болып табылатын міндеттерді орындау тұрғысында шарттық қатынастарға түсуге тыйым салынады.
      Егер "Шиелі ауданының жер қатынастары бөлімі" коммуналдық мемлекеттік мекемесіне заңнамалық актілермен кірістер әкелетін қызметті жүзеге асыру құқығы берілсе, онда осындай қызметтен алынған кірістер мемлекеттік бюджеттің кірісіне жіберіледі.

2. Мемлекеттік органның миссиясы, негізгі міндеттері, функциялары, құқықтары мен міндеттері

      14. "Шиелі ауданының жер қатынастары бөлімі" коммуналдық мемлекеттік мекемесінің миссиясы: жер қатынастарын реттеу саласындағы мемлекеттік саясатты іске асыру.
      15. Міндеттері:
      1) өз құзыреті шегінде бөлімге жүктелген өзге де міндеттерді жүзеге асыру.
      16. Функциялары:
      1) ауданның экономикалық дамуына бағытталған жерлерді ұтымды пайдалануды, топырақ құнарлығын сақт ауды және арттыруды, қоршаған ортаны қорғау жөніндегі басқа да іс-шаралар кешендерімен жер ресурстарын қорғауды ұйымдастыру және жүргізу болып табылады;
      2) жер ққойнауын мемлекеттік геологиялық зерделеумен және барлаумен байланысты жер қойнауын пайдалану мақсаттары үшін жер учаскелерін беру;
      3) ауылдық атқарушы органдардың құзырына берілген ауыл шаруашылығы алқаптарын қоса алғанда, елді мекендер аумағында жер-шаруашылық орналастыру жобаларын тиісті өкілді органның бекітуіне әзірлеу және олардың орындалуын қамтамасыз ету;
      4) елді мекендердің аумақтарын жер-шаруашылық орналастырудың бекітілген жобаларын тұрғындар үшін қолжетімді орындардағы арнаулы ақпараттық стендтерде орналастыру;
      5) арнайы жер қорын құру;
      6) жерді аймақтарға бөлу жобаларын (схемаларын) ауданның өкілді органына бекітуге табыс ету;
      7) жергілікті мемлекеттік басқару мүддесіне Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асыру.
      17. Құқықтары мен міндеттері: 
      1) заңнамада белгіленген тәртіппен мемлекеттік органдардан, ұйымдардан, олардың лауазымды адамдарынан қажетті ақпарат пен материалдар сұратуға және алуға;
      құзыреті шегінде құқықтық және нормативтік құқықтық актілердің жобаларын әзірлеуге қатысу;
      қолданыстағы заңнамалық актілерде көзделген өзге де құқықтарды жүзеге асыруға құқығы бар.
      2) жеке және заңды тұлғалардың жолдаған өтініштерін қарауға олардың орындалуын бақылауға, Қазақстан Республикасының заңнамасында белгіленген жағдайларда және тәртіппен олар бойынша жауаптар беруге;
      жеке тұлғаларды және заңды тұлғалардың өкілдерін қабылдауды ұйымдастыруға;
      заңды және негізделген шешімдер қабылдауға;
      қабылданған шешімдердің орындалуын бақылауды қамтамасыз етуге;
      қолданыстағы заңнамада қарастырылған өзге де міндеттерді іске асыруға міндетті.

3. Мемлекеттік органның қызметін ұйымдастыру

      18. "Шиелі ауданының жер қатынастары бөлімі" коммуналдық мемлекеттік мекемесіне басшылықты "Шиелі ауданының жер қатынастары бөлімі" коммуналдық мемлекеттік мекемесіне жүктелген міндеттердің орындалуына және оның функцияларын жүзеге асыруға дербес жауапты болатын бірінші басшы жүзеге асырады.
      19. "Шиелі ауданының жер қатынастары бөлімі" коммуналдық мемлекеттік мекемесінің бірінші басшысын Шиелі ауданының әкімі қызметке тағайындайды және қызметтен босатады.
      20. "Шиелі ауданының жер қатынастары бөлімі" коммуналдық мемлекеттік мекемесінің бірінші басшысының өкілеттігі:
      1) заңнамаға сәйкес бөлім қызметкерлерін қызметке тағайындайды және қызметтен босатады;
      2) заңнамада белгіленген тәртіппен және өз құзыреті шегінде бөлім қызметкерлерін көтермелейді және оларға тәртіптік жаза қолданады;
      3) бөлім құзыретіне жататын мәселелер бойынша бұйрықтар шығарады;
      4) бөлім мүдделерін мемлекеттік органдарда, өзге де ұйымдарда білдіреді;
      5) бөлімде сыбайлас жемқорлыққа қарсы әрекетке бағытталған шаралар қабылдайды және сыбайлас жемқорлыққа қарсы шаралардың қабылдануына дербес жауапты болады;
      6) гендерлік теңдік саясатын жүзеге асыру жұмыстарын ұйымдастырады;
      7) жеке тұлғаларды және заңды тұлғалардың өкілдерін жеке қабылдауды жүргізеді;
      8) заңнамаға сәйкес өзге де өкілеттіктерді жүзеге асырады. "Шиелі ауданының жер қатынастары бөлімі" коммуналдық мемлекеттік мекемесінің бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға орындайды.

4. Мемлекеттік органның мүлкі

      21. "Шиелі ауданының жер қатынастары бөлімі" коммуналдық мемлекеттік мекемесінің заңнамада көзделген жағдайларды жедел басқару құқығында оқшауланған мүлкі болуы мүмкін.
      "Шиелі ауданының жер қатынастары бөлімі" коммуналдық мемлекеттік мекемесінің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
      22. "Шиелі ауданының жер қатынастары бөлімі" коммуналдық мемлекеттік мекемесіне бекітілген мүлік аудандық коммуналдық меншікке жатады.
      23. Егер заңнамада өзгеше көзделмесе, "Шиелі ауданының жер қатынастары бөлімі" коммуналдық мемлекеттік мекемесі өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

5. Мемлекеттік органды қайта ұйымдастыру және тарату

      24. "Шиелі ауданының жер қатынастары бөлімі" коммуналдық мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

Шиелі аудандық жер қатынастары бөлімінің атқарған жұмыстары туралы

Шиелі аудандық жер қатынастары бөлімінің 2017 жылдың

12 айында атқарған жұмыстары туралы

 

Шиелі ауданының жалпы жер көлемі 3 239 755 гектарды құрайды.

Аудан аумағындағы жер санаттары жер есебі бойынша 6-ға бөлінеді:

2016 жылдың 1 жер есебі бойынша елді-мекен жерлері 61 614 гектар болып өзгеріссіз қалса, ауыл шаруашылығы мақсатындағы жерлер 222126 гектардан – 237876  гектарға көбейген. Оның ішінде ауыл шаруашылығы мақсатындағы жер учаскелерінің  саны 2016 жылы 747 ден - биылға 778-ге дейін өсіп, яғни халықтың сұранысына сәйкес ауыл шаруашылығы мақсатындағы босалқы жер құрамынан шаруа қожалығын ашу үшін сауда-саттықта, сондай-ақ сауда саттықты талап етпейтін нормалар бойынша жылдың басынан бері 12 973 га жер телімі жалдау құқығымен                          (10 жыл) ҚР азаматтарына табысталды.

  1. Жалпы жыл басынан бері 1 конкурс 2 аукцион арқылы сауда-саттық ұйымдастырылды. Конкурс өткізу нәтижесінде - 2783,0 гектар ауыл шаруашылығы мақсатындағы жер учаскелеріне уақытша өтеулі жер пайдалану құқығы (жалдау) 10 (он) жыл мерзімге табысталып, жалпы құны 14 264 850 теңгеге сатылып, бюджетке аталған түсімдер (303202 коды) толық түскен.

Ал аукцион  арқылы жалпы көлемі – 10,9 гектар жер учаскесі жалдау және жеке меншік құқығымен 5 906 520 теңгеге сатылып, бюджетке толық түсімі қамтамассыз етілді.

Сонымен бірге Шиелі ауданы аумағынан жер учаскелерін өздеріне тиесілі жерге қосымша табыстау, нысаналы мақсатын өзгерту бойынша көлемі 5,2 га жер телімін сатудан  (303101) кодына  бюджетке 8 306 092 теңге түсім түскен.

Аудан көлемінде жаппай кәсіпкерлікті дамыту үшін кәсіпкерлік мақсатта 21 желтоқсан 2017 жылы сауда –саттық (аукцион) өткізіліп, нәтижесінде сауда саттыққа шығарылған 22 жер телімінің 17-і жеке меншік ғжәне жалдау құқығы арқылы ҚР азаматтарына табысталды.

Аталған сауда-саттық бойынша жыл соңына дейін 10 469 780 мың теңге көлемінде жергілікті бюджетке қаржы түсімі жоспарлануда.

Жерге орналастыру жобасын бекіту, жер учаскесінің көлемін қайта бекіту, жер учаскесінің бөлінетінін танып беру, жер учаскесін екіге бөлу, жер учаскесін біріктіру және жер учаскесіне берілген сәйкестендіру құжатын жою туралы жыл басынан бері барлығы 664 бұйрық қабылданған. Соның ішінде 461-і яғни мемлекеттік көрсетілетін қызмет стандарттары бекітілген қызмет түрлерінен барлық бұйрықтар 100 % мемлекеттік корпорация арқылы көрсетіліп келеді.

Осы орайда айта кететін жәйт Шиелі кентінен өз үйлерінің аулаларынан немесе учаскелерінің бір бөлігін кәсіпкерлік мақсатта пайдаланылған тұлғаларға бөлім тарапынан Жер кодексіне сәйкес түсіндіру жұмыстары жүргізіліп, жер учаскесін өз мақсатына сай пайдаланылмаған жағдайда, тиісінше әкімшілік шаралар көрілетіні жайлы үнемі ескертіліп келеді.  

  1. ҚР Жер кодексіне сай аудандық уәкілетті органның (жер бөлімі) құзіретіне жер учаскесін сатып алу-сату шарттары мен жалдау және жерді уақытша өтеусіз пайдалану шарттарын жасасу және жасалған шарт талаптарының орындалуын бақылауды жүзеге асыру жатқызылған.

Атап айтқанда бөлімнің 11.03.2017 жылғы №02-12/66 бұйрығымен азамат Қожас Бақытбек Қазанғапұлының Иіркөл ауылдық округі, Жансейіт ауылы, №1 МААЕ орналасқан көлемі 323,0 гектар жер учаскесі кері қайтарылды.

  1. Азамат Нарымбетов Болат Айтбайұлының Шиелі ауданы, Телікөл ауылдық округінде орналасқан көлемі 1507,0 гектар жер учаскесі шарттың тиісті бөліктерін орындамау салдарынан бөлімнің 25.04.2017 жылғы №02-12/76 бұйрығымен біржақты жойылған.
  2. «Жаңа Алғабас» шаруа қожалығының төрағасы Биімбетов Өанат Омаршаұлының Шиелі ауданы, Жуантөбе ауылдық округінде орналасқан жалпы көлемі 1903,0 гектар жер телімі бөлімнің 29.05.2017 жылғы №02-12/103 бұйрығымен біржақты күші жойылған.

        Аталған жер телімдерінің мемлекет меншігіне қайтарылғаны жөнінде Жер кадастры, кірістер басқармасы және әділет басқармасына тиісті хатпен (бұйрық көшірмелерін қоса) жолданған болатын.

Аталған бағытта жұмыстар алдағы уақытта да жалғасын тауып, пайдаланусыз жатқан бірінші кезекте егістік және жайылымдық жерлер ауданның арнайы жер қорына қайтарылуы үшін тиісті жұмыстар жүргізілді.

Бөлім мен Қызылорда облысының жердің пайдалануы мен қорғалуын бақылау басқармасымен біріге отырып 2017 жылы 2 шаруа қожалық басшыларына жер заңнамасын бұзғандығы үшін 100 АЕК көлемінде айыппұл салынып, жерді бастапқы күйге келтіру жұмыстары жүргізілген.

Аудан бойынша пайдаланылмай жатқан және ҚР заңнамасын бұза отырып пайдаланып жатқан жер телімдері бөлім тарапынан анықталып, өз кезегінде кәсіпкерлік нысан болып танылған жағдайда бақылау басқармасына тиісті шара көру үшін жолданып жатқандығын хабарлаймын.

Сонымен қатар, ҚР Жер кодексінің 147- бабына енгізілген өзгертулерге сәйкес, 2016 жылдың 1 қаңтарынан бері: 

2-1. Аудандық маңызы бар қалалардың, кенттердің, ауылдардың, ауылдық округтердің әкімдері елді мекен аумағында жеке тұлғаларға қатысты (жеке кәсіпкерлік субъектілерін қоспағанда):

  • мемлекеттiк жер учаскелерiн заңсыз иеленіп алу немесе айырбастау не жерге мемлекеттiк меншiк құқығын тiкелей немесе жанама нысанда бұзатын басқа да мәмiлелердің жасалуына жол бермеу;
  • жердің нысаналы мақсатсыз пайдаланылуына жол бермеу үшін мемлекеттiк бақылауды ұйымдастырады және жүргiзедi.
  1. Мемлекеттiк бақылауды жүзеге асыратын органдардың функцияларына Қазақстан Республикасының заңнамасында көзделген өзге де мәселелер кiредi-делінген. Яғни ауылдық немесе кент әкімінің құзіретіне жеке тұлғаларға сәйкес жер заңдылықтары бұзылған жағдайда, әкімнің өзі хаттамалап, қаулы арқылы айыппұл салу құзіреті бар. Ол бойынша жылдың басынан бері бөлім мен басқарма тарапынан екі мәрте түсіндіру жүмыстары жүргізіліп, көшпелі семинарлар өткізіліп, тиісті айыппұл салудың нұсқаулықтары жасалып, қағаз және электронды нұсқалары да ауылдық және кент әкімдеріне таратылып берілді.
  2. Шиелі кентінен жер телімін алуға ниетті азаматтар тізімі бүгінгі таңға нақтыланып, 6620-ны (30.06.2017ж. жағдайында) құрап отыр. Қазіргі таңда инфрақұрылым жасалынған аймақтарда нақтырақ «Береке» мөлтек аудандар (70,0 га) бойынша 400-ге жуық, қалғаны әлеуметтік нысандарға жоспарланған жер телімдері, сондай-ақ қалған мөлтек аудандар бойынша 200-ге жуық өтінішті қанағаттандыру мақсаты тұр. Шиелі кентіндегі арнайы жер кезегіне тұрған азаматтардың өтініштері тым көп болуынан, өтініш иелері келісім берген жағдайда инфрақұрылыммен қамтамассыз етілген кентке жақын ауылдық округтерден жер учаскесін табыстау мүмкіндіктері қарастырылуда.
  3. Ауданда өзекті болып отырған тағы бір мәселе қарасора өсімдігін заңсыз өсіру фактілері көбейіп отыр. Бұл бағытта халыққа түсіндірме жұмыстарын жүргізу мақсатында АІІБ-нің тергеу бөлімінің басшысы Д.Ілияспен бірге Жөлек және Қызылқайың елді-мекенінде халықпен кездесулер болып өтті. Аталған құрамында есірткі заттары бар психотроптық өсімдіктерді шаруа қожалық жерлерінде еккен жағдайда тиісті қатаң шаралар көрілетіндігі ескертілді. Есірткі қылмыстары профилактикасының мәселері туралы, нақтырақ айтқанда қарасора өсімдігінің аудан көлемінде егу жұмыстарынга тосқауыл қою мақсатында бөліммен шаруа қожалықтарына, ауылдық округ әкімдеріне тиісті ескерту хаттар таратылуда. Сонымен қатар, шалғайдағы мал жайылымдықтарында отыратын шаруа қожалық иелеріне жер учаскелерін аралау жүргізгенде қарасора өсімдігіне ұқсас өсімдік көрген жағдайда дереу хабар беруді, сондай-ақ аталған өсімдік меншік иесінің жер учаскесі болып табылған жағдайда заңмен тиісті шарасы көрілетіндігі ескертілуде. Дегенмен аудан бойынша бүгінге 16 қарасора өсімдігін егу фактісі орын алған.
  4. Мемлекет Басшысының 2016 жылғы 9 қыркүйектегі тапсырмасына және ҚР Премьер-Министрінің орынбасары – ҚР Ауыл шаруашылығы министрі А.И.Мырзахметовпен 2017 жылғы 6 наурызда бекіткен «Жер қатынастарын реттеу саласындағы міндеттерді жүзеге асыру жөніндегі 2017-2021 жылдарға арналған іс-шаралар жоспарына» сәйкес облыс әкімдеріне қолда бар жер қорына талдау жүргізу тапсырылды. Қолда бар жер қорына талдау жүргізу (жерге құжаттамалық ревизия) 2017-2019 жылдары жүзеге асырылады. Осы тапсырмаға сәйкес пилоттық елді-мекен ретінде Бидайкөл елді-мекені бекітіліп, жерге құжаттамалық түгендеу жұмыстары 95 пайызға орындалды. Енді кезекте қалған 21 ауылдық округ бойынша түгендеу жұмыстары жүргізілуде. Бөлім алдында алдағы уақытта толық әрі сапалы түрде аталған жұмысты бітіру міндеті тұр.

Бөлім тарапынан жоғарыда аталған жұмыстар алдағы уақытта да қарқынды жүретін болады.  

Видео ақпараттар

Scroll to top