АҚПАРАТТЫҚ ХАБАРЛАМА -- "2019 жылғы 15 тамыз 2019 жылдың 1 тамызына ..." -- 23 Тамыз 2019
Жинақтаушы зейнетақы жүйесі туралы 5 сұрақ -- "Менің азық-түлік дүкенім бар. Зейнетақы ..." -- 23 Тамыз 2019
Жинақтаушы зейнетақы жүйесі туралы 5 сұрақ -- "Менің азық-түлік дүкенім бар. Зейнетақы ..." -- 23 Тамыз 2019
ХАБАРЛАНДЫРУ! -- "Шиелі ауданы әкімдігі, аудан бойынша тұрғын үй ..." -- 13 Тамыз 2019
ҚҰРБАН АЙТ МЕРЕКЕСІНЕ ОРАЙ БРИФИНГ ӨТТІ -- "ҚҰРБАН АЙТ МЕРЕКЕСІНЕ ОРАЙ БРИФИНГ ӨТТІ Бүгін ..." -- 07 Тамыз 2019
БҮГІН ТЕЛІКӨЛ АУЫЛДЫҚ ОКРУГІНДЕ ШИЕЛІ АУДАНЫ ӘКІМДІГІ ЖАНЫНДАҒЫ ... -- "БҮГІН ТЕЛІКӨЛ АУЫЛДЫҚ ОКРУГІНДЕ ШИЕЛІ АУДАНЫ ..." -- 06 Тамыз 2019
ШИЕЛІ АУДАНЫ: Керделі ауылындағы дәрігерлік-амбулаториялық емхананың ... -- "ШИЕЛІ АУДАНЫ: Керделі ауылындағы ..." -- 05 Тамыз 2019
ОБЛЫС ӘКІМІНІҢ ШИЕЛІ АУДАНЫНА ЖҰМЫС САПАРЫ ТУРАЛЫ -- "Бүгін аймақ басшысы Қуанышбек Ысқақов жұмыс ..." -- 02 Тамыз 2019
ХАБАРЛАНДЫРУ -- "Шиелі ауданы әкімдігі, аудан бойынша тұрғын үй ..." -- 31 Шілде 2019
«Бес сұрақ» айдары -- " Менің жалақы мөлшерім аса көп емес, демек ..." -- 23 Шілде 2019

Мемлекеттік орган туралы жалпы ақпарат

«Шиелі аудандық ауыл шаруашылығы  бөлімі» коммуналдық мемлекеттік мекемесі 

  • Пошта индексі: 120700;
  • Мекен-жайы:  Қызылорда облысы, Шиелі кенті,
  • Т.Рысқұлов көшесі, №6 «а»;
  • Тел/факс: 8 (72432) 4-21-50;
  • Электрондық пошта: E-mail:sx shiely@mail.ru 

«Шиелі аудандық ауыл шаруашылығы  бөлімі» коммуналдық мемлекеттік мекемесінің басшысы:

Әшірбеков Мұрат Шайтмағанбетұлы 1973 жылы 1 қаңтарда Қызылорда облысы, Шиелі ауданы, Ш.Қодаманов ауылында туылған. Ұлты қазақ. Білімі жоғары. 1990-1995 жылы Алматы қаласындағы Қазақтың «Еңбек ҚызылТу» орденді ауылшаруашылығы институтын ғалым-агроном мамандығы бойынша бітірген.

Еңбек жолын 1995 жылы Шиелі ауданы, Төңкеріс колхозында колхозшы болып бастаған.

1996-2000 жыл аралығында осы ауылда колхозда есепші қызметін атқарған. 

2000-2003 жылдары кіші агроном қызметін атқарды.

2003-2007 жылдар аралығында  Төңкеріс ауылында «Қаптағай-К» ЖШС өндіріс бригадирі қызметін атқарған. 

2007-2010 жылдың шілде айына дейін Шиелі кентінде «Республикалық фитосанитарлық диагностика және болжамдар әдістемелік орталығы» мемлекеттік мекемесінің Шиелі аудандық филиалының фитопатологы қызметін атқарды.

2010 жыл -2018 жыл Төңкеріс ауылдық округі әкімі.

2018 жылдың наурыз айынан бастап «Шиелі аудандық ауыл шаруашылығы  бөлімі» коммуналдық мемлекеттік мекемесінің басшысы қызметін атқаруда

Отбасылы.

Негізгі міндеттер:

1. Ауыл шаруашылығы саласында халықты азық-түлікпен қамтамасыз ету,  өндірісті шикізатпен, нарықтық қатынастардың даму жағдайында аграрлық сектордың экспорттық мүмкіндігін арттыруға бағытталған бірыңғай мемлекеттік саясатты жүзеге асыру, мал және егін шаруашылығында аудан халқын азық-түлік пен өндірісті шикізатпен қамтамасыз етуге бағытталған бірыңғай мемлекеттік және аумақтық саясатын жүргізу, ауылшаруашылық дақылдарын өсірудің жаңа технологиялары мен озық тәжірибелерін өндіріске ендіруді жүзеге асырады, аудандық аграрлық секторын дамытудың тұжырымдамаларын жасайды, тұқым шаруашылығының дамуына көмек көрсетеді, ауылшаруашылық мақсатындағы жерлердің тиімді пайдалануын үйлестіреді, егін шаруашылығында ауыспалы егіс жүйесін сақтау мен оны жақсарту шараларын, сонымен қатар егіншілікті аяқ сумен қамтамасыз ету шараларын жасайды. Мал шығынын болдырмау және жұқпалы аурудан аман сақтау шараларын жүзеге асырады. Агроөнеркәсіптік секторларға инвестиция тарту жөніндегі жобалардың басым бағыттарын анықтайды және жүзеге асырады. 

2. ҚР Президенті Жарлықтарының, ҚР Үкіметі қаулыларының, облыс, аудан әкімдерінің өкім, шешімдерінің орындалуын бақылау.

3.Бөлімнің жұмысын тиімді әрі нәтижелі ұйымдастыра білу.

Құрлымы

Аты-жөні Қызметі Жұмыс телефоны
1 Әшірбеков Мұрат Шайтмағанбетұлы  Бөлім басшысы 4-21-50
2 Рахметова Маргарита Сарыбайқызы Сектор меңгерушісі 4-10-17
3 Смаилов Думан Шахмарданович Жетекші маман 4-26-06
4 Кенжебаева Мадина Қалжігітқызы  Бас маман 4-33-63
5 Бекенов Жангелді Жұмабайұлы  Бас маман 4-21-27
6 Абдрахимова Раушан Шакенқызы Жетекші маман 4-33-63

Ереже

«Шиелі аудандық ауыл шаруашылығы бөлімі»коммунадық мемлекеттік мекемесінің ережесі

Жалпы ережелер

  1. «Шиелі аудандық ауыл шаруашылығы бөлімі» коммуналдық мемлекеттік мекемесі аудан аумағында ауыл шаруашылығы саласында басшылықты жүзеге асыратын Қазақстан Республикасының мемлекеттік органы болып табылады.
  2. «Шиелі аудандық ауыл шаруашылығы бөлімі» коммуналдық мемлекеттік мекемесінің құрылтайшысы Шиелі ауданының әкімдігі болып табылады.
  3. «Шиелі аудандық ауыл шаруашылығы бөлімі» коммуналдық мелекеттік мекемесі өз қызметін Қазақстан Республикасының Конституциясына және Заңдарына, Қазақстан Рсепубликасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
  4. «Шиелі аудандық ауыл шаруашылығы бөлімі» коммуналдық мемлекеттік мекемесі мемлекеттік мекеме ұйымдық-құқықтық нысанындағы заңды тұлға болып табылады, мемлекеттік тілде өз атауы бар ҚР елтаңбалы мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарында шоттары болады.
  5. «Шиелі аудандық ауыл шаруашылығы бөлімі» коммуналдық мемлекеттік мекемесі азаматтық-құқықтық қатынастарға өз атынан түседі.
  6. «Шиелі аудандық ауыл шаруашылығы бөлімі» коммуналдық мемлекеттік мекемесі егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
  7. «Шиелі аудандық ауыл шаруашылығы бөлімі» коммуналдық мелекеттік мекемесі өз құзыретінің мәселелері бойынша заңнамада белгіленген тәртіппен бұйрық түрінде актілер шығарады.
  8. «Шиелі аудандық ауыл шаруашылығы бөлімі» коммуналдық мемлекеттік мекемесінің құрылымы мен штат санының лимиті қолданыстағы заңнамаға сәйкес бекітіледі.
  9. Заңды тұлғаның орналасқан жері: индексі 120700, Қазақстан Республикасы, Қызылорда облысы, Шиелі ауданы, Шиелі кенті, Т.Рысқұлов көшесі №6 А
  10. Мемлекеттік органның толық атауы – «Шиелі аудандық ауыл шаруашылығы бөлімі» коммуналдық мемлекеттік мекемесі.

            «Шиелі аудандық ауыл шаруашылығы бөлімі» коммуналдық мемлекеттік мекемесінің жұмыс кестесі:

дүйсенбі мен жұма аралағында аптасына 5 (бес) күн жұмыс істейді;

жұмыс уақыты жергілікті уақыт бойынша сағат 09.00-ден 19.00-ге дейін.         

Сағат: 13.00-ден 15.00-ге дейін үзіліс.

            3) сенбі және жексенбі күндері, сондай-ақ Қазақстан Республикасының заңнамасымен белгіленген мереке күндері жұмыс істемейді.

  1. Осы Ереже «Шиелі аудандық ауыл шаруашылығы бөлімі» коммуналдық мемлекеттік мекемесінің құрылтай құжаты болып табылады.
  2. «Шиелі аудандық ауыл шаруашылығы бөлімі» коммуналдық мемлекеттік мекемесінің қызметін қаржыландыру мемлекеттік бюджеттерінен жүзеге асырылады.
  3. «Шиелі аудандық ауыл шаруашылығы бөлімі» коммуналдық мемлекеттік мекемесіне кәсіпкерлік субъектілерімен бөлімнің функциялары болып табылатын міндеттерді орындау тұрғысында шарттық қатынастарға түсуге тыйым салынады.

            Егер «Шиелі аудандық ауыл шаруашылығы бөлімі» коммуналдық мелекеттік мекемесіне заңнамалық актілермен кірістер әкелетін қызметті жүзеге асыру құқығы берілсе, онда осындай қызметтен алынған кірістер мемлекеттік бюджеттің кірісіне жіберіледі.

Мемлекеттік органның миссиясы, негізгі міндеттері, функциялары, құқықтары мен міндеттері

  1. «Шиелі аудандық ауыл шаруашылығы бөлімі» коммуналдық мемлекеттік мекемесінің миссиясы:

Агроөнеркәсіптік кешені салаларының бәсекеге қабілеттілігін сапалы жаңа деңгейге жеткізу мен экономикалық өсуге жәрдемдесу мақсатында агроөнеркәсіптік кешені және ауылдық аумақтарды дамыту саласындағы мемлекеттің аграрлақ саясатын іске асыру.

  1. Міндеттері:

             1) агроөнеркәсіптік кешен субъектілерін мемлекеттік қолдауды жүзеге асыру;

             2) ауылдық аумақтарды дамыту, егіншілік, тұқым шаруашылығын реттеу;

  1. Функциялары:

            1) агроөнеркәсіптік кешен субъектілерін Қазақстан Республикасының «Агроөнеркәсіптік кешенді және ауылдық аумақтарды дамытуды мемлекетік реттеу туралы» Заңына және басқа да нормативтік құқықтық актілерге сәйкес мемлекеттік қолдауды жүзеге асыру;

            2) агроөнеркәсіптік кешенді дамыту саласындағы мемлекетік техникалық инспекцияны жүзеге асыру;

            3) ауылдық аумақтарды дамытудың мониторингін жүргізу;

            4) елді мекендерде ауыл шаруашылығы малын ұстау мен жаюдың ережелерін әзірлеу;

            5) Қазақстан Республикасының Үкіметі белгіленген тәртіппен ауыл шаруашылығы жануарларын бірдейлендіруді жүргізуді, мал қорымдарын «биотермиялық шұңқырларды) салуды, күтіп-ұстау мен реконструкциялауды ұйымдастыру;

6) агроөнеркәсіптік кешен мен ауылдық аумақтар саласында жедел ақпарат жинауды жүргізу және оны облыстық жергілікті атқарушы органына (әкімдігіне) беру;

7) тиісті өңірде  азық-түлік тауарлары қорларын есепке алуды жүргізу және облыстық жергілікті атқарушы органдарына (әкімдіктеріне) есептілік ұсыну;

8) ауылдық елді мекендерде жұмыс істейтін және тұратын денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарды Қазақстан Республикасының заңнамасында көзделген әлеуметтік қолдау шараларын қолдану жөніндегі жұмысты ұйымдастыру;

9) «Агоөнеркәсәп кешеніндегі үздік кәсіп иесі» конкурсын өткізу;

10) жергілікті мелекеттік басқару мүдделерінде Қазақстан Республикасының заңнамасында жергілікті атқарушы органдарға жүктелетін өзге де өкілеттіктерді жүзеге асыру кіреді.

11) қолданыстағы заңнамаға сәйкес басқа да функцияларды жүзеге асырады.

  1. Құқықтары мен міндеттері:

1) заңнамада белгіленген тәртіппен мемлекеттік органдардан, ұйымдардан, олардың лауазымды адамдарынан қажетті ақпарат пен материалдар сұратуға және алуға;

құзіреті шегінде құқықтық және нормативтік құқықтық актілердің жобаларын әзірлеуге қатысу;

қолданыстағы заңнамалық актілерде көзделген өзге де құқықтарды жүзеге асыруға құқығы бар.

2) жеке және заңды тұлғалардың жолдаған өтініштерін қарауға, олардың орындалуын бақылауға, Қазақстан Республикасының заңнамасында белгіленген жағдайларда және тәріппен олар бойынша жауаптар беруге;

жеке тұлғаларды және заңды тұлғалардың өкілдерін қабылдауды ұйымдастыруға;

заңды және негізделген шешімдер қабылдауға;

қабылдаған шешімдердің орындалуын бақылауды қамтамасыз етуге; қолданыстағы заңнамада қарастырылған өзге де міндеттерді іске асыруға міндетті.

Мемлекеттік органның қызметін ұйымдастыру

  1. «Шиелі аудандық ауыл шаруашылығы бөлімі» коммуналдық мемлекеттік мекемесі басшылықты «Шиелі аудандық ауыл шаруашылығы бөлімі» коммуналдық мемлекеттік мекемесіне жүктелген міндеттердің орындалуына және оның функцияларын жүзеге асыруға дербес жауапты болатын бірінші басшы жүзеге асырады.
  2. «Шиелі аудандық ауыл шаруашылығы бөлімі» коммуналдық мемлекеттік мекемесінің басшысын аудан әкімі  қызметке тағайындайды және қызметтен босатады.
  3. «Шиелі аудандық ауыл шаруашылығы бөлімі» коммуналдық мемлекеттік мекемесі басшысының Қазақстан Республикасының заңнамасына сәйкес қызметке тағайындалатын және қызметтен босатылатын қызметкерлері болады.
  4. «Шиелі аудандық ауыл шаруашылығы бөлімі» коммуналдық мемлекеттік мекемесі басшысының өкілеттілігі:

1) бөлім қызметкерлерінің міндеттері мен өкілеттіктерін анықтайды;

2) бөлімді мемлекеттік органдар мен басқа ұйымдарда білдіреді;

3) бөлім бұйрықтарына қол қояды;

4) қолданыстағы заңнамаға сәйкес бөлім қызметкерлерін қызметке тағайындайды және қызметтен босатады;

5) қолданыстағы заңнамаларға сәйкес бөлім қызметкерлерін марапаттайды және тәртіптік жазалау шараларын қабылдайды;

6) бөлімдегі сыбайлас жемқорлыққа қарсы әрекет етуге бағытталған шаралар қабылдайды және сыбайлас жемқорлыққа қарсы шаралар қабылдау үшін дербес жауапты болады;

            7) гендерлік теңдік саясатын жүзеге асыру жұмыстарын ұйымдастырады;

            8) бөлімнің атынан сенімхатсыз әрекет етеді;

            9) шарттар жасасады;

            10) сенімхаттар береді;

            11) өз қызметін ұйымдастыру және оның ішкі тәртібі мәселелері бойынша регламент қабылдайды;

            12) жеке тұлғаларды және заңды тұлғалардың өкілдерін жеке қабылдау кестесін бекітеді;

            13) Қазақстан Республикасының заңнамасына сәйкес өзге де өкілеттіліктерді жүзеге асырады.

            «Шиелі аудандық ауыл шаруашылығы бөлімі» коммуналдық мемлекеттік мекемесінің  басшысы болмаған кезеңде оның өкілеттерін қолданыстағы заңнамаға сәйкес оны алмастыратын тұлға орындайды.

  1. Басшы өз қызметкерлерінің өкілеттіктерін қолданыстағы заңнамаға сәйкес белгілейді.
  2. «Шиелі аудандық ауыл шаруашылығы бөлімі» коммуналдық мемлекеттік мекемесін Қазақстан Республикасының қолданыстағы заңнамасына сәйкес қызметке тағайындалатын және қызметтен босатылатын басшы басқарады.

Мемлекеттік органның мүлкі

  1. «Шиелі аудандық ауыл шаруашылығы бөлімі» коммуналдық мемлекеттік мекемесінде заңнамада көзделген жағдайларда жедел басқару құқығында оқшауланған мүлкі болу мүмкін.

            «Шиелі аудандық ауыл шаруашылығы бөлімі» коммуналдық мемлекеттік мекемесінің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

  1. «Шиелі аудандық ауыл шаруашылығы бөлімі» коммуналдық мемлекеттік мекемесіне бекітілген мүлік аудандық коммуналдық меншікке жатады.
  2. Егер заңнамада өзгеше көзделмесе, «Шиелі аудандық ауыл шаруашылығы бөлімі» коммуналдық мемлекеттік мекемесі өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

Бөлімді қайта ұйымдастыру және тарату

  1. «Шиелі аудандық ауыл шаруашылығы бөлімі» коммуналдық мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

Жалпы мәлімет

          

Шиелі ауданы бойынша ауыл шаруашылығы саласының ІІ тоқсанда

атқарылған жұмыстар

Егіс көлемі

Бекітілген сызбаға сәйкес, үстіміздегі жылы Шиелі ауданында 27 372  гектарға егiс егу межеленіп отыр.

Оның ішінде дәндi дақылдар 13 127 гектар, майлы  дақылдар 2 100 гектар, мал азықтық дақылдар 8 564 гектар, картоп, көкөнiс, бақша 4 581 гектарды құрайды.

Негізгі дақыл - күрiштің көлемі 12 000 гектар жерге орналастырылып суға бастырылды.

Мал азығын дайындау барысында егілген 5 448 га ескі жоңышқаның 

I орымында 4 820 га  орылып, гектарына 15,0 ц барлығы 5 385 тн өнім алынды.

2019 жылға күздік бидай 1000 га, жаздық бидай 280 га егілді. Қазіргі таңда күздік бидайдың  65 га жиналып, гектарына 20ц  жалпы  көлемі 130 тн өнім берді.

2019 жылы егілетін егіс көлемі

Дақыл атауы

2018 жылы егілген егіс көлемі, га

2019 жылы егілетін егіс көлемі, га

Айырмасы,
( +,-)

1.      

Күздік бидай

923

1000

+77

2.      

Жаздық бидай

257

472

+215

3.      

Тары

73

75

+2

4.      

Жүгері

250

-

-

5.      

Күріш

12 627

12  000

-627

6.      

Мақсары

1063

1100

+37

7.      

Жаңа жоңышқа

3035

2605

-430

8.      

Ескі жоңышқа

4690

5448

+758

9.      

Мал жемдік асқабақ

97

91

-6

10.            

Картоп

1100

1100

0

11.            

Көкөніс

1474

1474

0

12.            

Бақша

2109

2007

-102

 

Барлығы

27 698

27 372

 

Тұқым дайындау

2019 жылдың егісіне негізгі дақыл күріштің 145 тонна элита, 384 тонна І репродукция, 2045 тонна ІІ репродукция, 450 тоннасы ІІІ репродукциялы, барлығы 3024 тонна тұқымы дайындалды. Тұқымның 100%-ы себу дәрежесіне жеткізілді. Сондай-ақ, басқа дақылдарды сапалы тұқыммен қамтамасыз ету мақсатында «Төңкеріс К» тұқым шаруашылығы статусын алып, күріштің элиталық  Лидер, Янтарь, Фаворит сорттарын Ресейдің Краснодар аудандастыру мақсатында «Төңкеріс К» шаруа қожалығында асқабақ, мақсары облысынан әкелініп 1000 гектар жерге орналастыру жоспарлануда, мақсарының супер-элита 3 тонна «Мөлдір-2008» сортын әкеліп 200 гектар жерге егілді. Ы.Жахаев атындағы Қазақ күріш ғылыми зерттеу институтымен бірігіп және Бестам ауылында картоптың гибридтік тұқымдары егілетін болады. «Ақмая» шаруа қожалығы Шымкент қаласынан әкелінген 55 тонна «Стекловидный-24» элита сортын екті.

Әртараптандыру бойынша жұмыстар

Ауданда бүгінде тамшылатып суару әдісімен 50 гектар алма бағы өсірілуде (Ақтоған а/о-15 гектар, Тартоғай а/о-10 гектар, Гигант а/о-10 гектар), оның 15 гектары биылғы жылы егілді (Талапан а/о-10 га, Сұлутөбе а/о-5 га). Суды үнемдеп пайдалану бойынша Жаңатұрмыс ауылдық округінде «Байсын» шаруа қожалығы ашық топырақта тамшылатып суару әдісімен 13 гектар жерге көкөніс дақылдарын ексе, бұдан бөлек Ақмая, Алмалы, Ақтоған, Талаптан ауылдық округтерде су үнемдеу мақсатында плёнка қолдану әдісімен 155 гектар жерге көкөніс дақылдары толық егіліп өсірілуде.

Жобалық кеңсе аясында жылыжай кешенінің құрылысы жүруде, бүгінгі күні 2 гектар жерге 20 жылжай салынып, алғашқы өнімдері жиналуда.

Цифрландыру жұмыстары

Биылғы жылдың басты жаңалығы ретінде айта кететін жәйт, ол  өсімдік шаруашылығын цифрландырудың басым элементтерін енгізу жұмыстары Шиелі ауданының «Ақмая» шаруа қожалығында іске асырылуда. Бұл жоба «019-Өндірістегі инновациялық даму» бюджеттік бағдарламасы шеңберінде, облыстық бюджет есебінен (52,9 млн.теңге) 2018-2019 жылдар аралығында жүзеге асырылатын болады.  Аталған жобаны жүзеге асыру мақсатында бүгінде Алматы қаласындағы «Ж. Жиенбаев атындағы «Өсімдік қорғау және карантин ғылыми-зерттеу институтының» Қазақстан-Британ техникалық университетінің ғалымдарымен бірлесе жұмыс жасап, өткен жылы төмендегідей жұмыстар атқарылды:

- «Ақмая» шаруа қожалығының 800 гектар егістік жерінің топырағына агрохимиялық зерттеу жүргізілді, қоректік бөлудің картограммалары жасалды. Бұл платформа (3D қоса алғанда) барлық деректерді яғни, өсімдік айналымын, егу мерзімдері, сорттарын және будандардың кезеңдерін, топырақтың агрохимиялық құрамын, топырақ түріне пестицидтермен мен тыңайтқыштарды ұтымды пайдалану және т.б  автоматты бақылау және басқаружұмыстарын көрсететін болады. «Ақмая» шаруа қожалығында қазіргі заманғы сенсорлық  технологиямен жабдықталған John Deere және Claas комбайндары қолданылуда. Жоба барлық ықтимал деректер көздерімен тығыз интеграцияны болжайды, сондықтан ауыл шаруашылық техникасының бірегей мүмкіндіктері толығымен пайдаланылатын болады, тракторлар мен комбайндар сенсорларының ақпараттары біріктіріліп, «Ақмая» шаруа қожалығында «Ақылды ферма» басқаратын болды.

Ағымдағы жылы цифрландыруды толық аяқтап Ақмая шаруа қожалығына арнайы іс-сапары кезінде сандық басқару платформасының прототипі көрсетілетін, Қазақстанның өсімдік саласын сандық жаңғырту туралы қызықты және ақпараттандырылған дәріс ұсынылатын болады.

«Агробиржа» электрондық сауда сайты және qoldau.kz  веб-порталы бойынша

Қызылорда облысының ауыл шаруашылығы басқарамасының бастамасымен облыстық жобалық кеңсе негізінде ауыл шаруашылығы құрылымдары мен тауарөндірушілерінің өнімдерін, тұқымдық, қажетті қызметтер мен ауыл шаруашылығы техникаларын, тыңайтқыш мен химикаттарды тұрақты жерден немесе жұмыс орнынан шықпай тиімді бағада сату, сатып алу және айырбастау мақсатында «Агробиржа» атты электрондық сауда сайты іске қосылды. Сайтқа қазіргі таңда  ауданда 117 шаруа қожалықтар тілкеліп, өз өнімдерін жарнамалауда.

Қазіргі таңда qoldau.kz (minagro.kz) веб-порталына ауыл шаруашылығы тауар өндірушерінің егістік жерінің электронды картасын қалыптастырып,  31924 га жер сызылып, оның 107,9 % құрап тұр.  Жайылымдық жерлердің электронды сызбасының 193000 га жердің  67476 га (242 ш.қ тіркелген) қалыптастырылып, 34,7 % құрап отыр.

Ауылшаруашылығы техникалары бойынша.

Қазіргі таңда ауданымыз бойынша 322 дана арнайы ауылшаруашылығы техникалары көктемгі егін егу науқанына қатысты. Аталған техникалар межеленген егіс көлемін белгіленген мерзімде егіп, толық аяқтады.

Жанар-жағармай мәселесіне келсек, көктемгі дала жұмыстарына

2 мың 180 тонна дизель отыны бөлінді. Биылғы жылы 238 млн теңгені құрайтын жаңа техникалар (3 трактор, 2 магдон комбайн, құрал-жабдықтары) алынды.

Мал шаруашылығы

Агроөнеркәсіптік кешенін дамытудың 2019  жылға арналған негізгі индикаторларының іс-шара жоспарына сәйкес мал шаруашылығын дамыту бағытында бірқатар жұмыстар атқарылуда.

Аудан бойынша 2019 жылдың 1 маусымға барлық төрт түлік мал саны: ірі қара  - 58424(105,3%-ға өсті), қой мен ешкі –99794(101,3%-ға өсті), түйе –1524(102,2%-ға өсті), жылқы – 17883(116,7%-ға өсті), құс – 25944 басты құрады.

Төрт түлік мал басының артуына байланысты өндірілген өнімдерде өсім тиісінше, алынған өнім  (тірілей салмақта)  1931,4 тонна ет(ет өндіру-104,1%-ға артты),7132,7 тонна сүт(сүт өндіру-102,5%-ға артты),        1240,2 мың дана жұмыртқа өндірілген.(101,7%-ға артық өндірілді).

Сонымен қатар, «Етті мал шаруашылығын дамыту бағдарламасының» индикаторлық көрсеткіштері бойынша:

Тұқымдық түрлендіру

МІҚ малының 2019 жылы аналығының басын 28 600 бастан 29652  басқа көбейту және олардың тұқымдық түрлендіруге қатысу жоспары-10497 бас.Қазіргі таңда ауыл шаруашылығы тауар өндірушілері асыл тұқымды бұқа сатып алу жұмыстарын жалғастыруда, биылғы жылы жоспарланған 10497 бас МІҚ аналығы тұқымдық түрлендіруге қатысады деп жоспарлануда.

«Сыбаға» бағдарламасының орындалуы

2019 жылға ауданға «Сыбаға» бағдарламасы аясында 325 бас асыл тұқымды шет елден МІҚ аналығын сатып алу жоспары бекітілген. Қазіргі таңда Ақмая ауылдық округіне қарасты «Әсет» шаруа қожалығыРесей Федерациясынан «Сыбаға» бағдарламасымен жоспарланған 104 бас қалмақ тұқымды мүйізді ірі қара малын және қосымша өз қаржысынан 16 бас, барлығы 120 бас «Қалмақ» тұқымды МІҚ малын әкеліп, қазіргі күні ветеринариялық іс-шараға сәйкес карантинге қойылды.

Бағдарламаның қой малын сатып алу бағыты бойынша ауданға 7800 бас қой сатып алу жоспары бекітілген.

Осыдан бүгінгі күнге «Жұма-Д» шаруа қожалығы «Ауыл шаруашылығын қаржылай қолдау қорынан» 6 млн теңге несие алуға ұсыныс беріп, мақұлданып 200 бас, жк «Сәтенова Нағима» 7 млн теңге несие алып 228 бас қой сатып алды.  «Жұман ата» шаруа қожалығы 10 млн теңге несие алып 332 бас, ЖК «Заңғар» төрағасы Ермаханұлы Заңғар 6 млн теңге несие алып 197 бас, ЖК «Құрбанәлі» төрағасы Баимбетов Адилбек  7 млн теңге несие алып 232 бас, барлығы 1189 бас қой малын сатып алу жұмыстары жүргізілуде.

Сонымен қатар, Ауыл шаруашылығын қаржылай қолдау қорына» Қоғалы ауылдық округінен «Өлеңді-2» шаруа қожалығы 500 бас қой алуға 15 млн теңгеге ұсыныс беріп, құжаттары мақұлданды. Ортақшыл ауылдық округінен «Шашты» шаруа қожалығы 350 бас қой алуға 10 млн теңгеге, «Бақыт» шаруа қожалығы 350 бас қой алуға 10 млн теңгеге ұсыныс беріп құжаттары қаралуда. Төңкеріс ауылдық округінен «Төңкеріс К» шаруа қожалығы 1000 бас қой алуға, Ақмая ауылдық округінен «Ақмая» шаруа қожалығы 1000 бас қой сатып алуға ниет білдіріп, құжаттарын дайындауда.

Аталған шаруа қожалықтарының құжаттары мақұлданса 3200 бас қой сатып алынып, «Сыбаға» бағдарламасымен қой сатып алу көрсеткіші шілде айында 4389 басқа орындалады деп жоспарлануда.

Бұқашықтарды бордақылау алаңына өткізу

Ағымдағы жылы ауданға 1000 бастан жоғары бордақылау алаңына 2565 бас бұқашықтарды өткізу бойынша жоспар бекітілген.Жыл басынан бері бордақылау алаңына 433 бас бұқашықтар өткізілді

Агроөнеркәсіптік кешенін дамыту бағытының жоспарына енгізілген мал шаруашылығын дамыту бойынша инвестициялық жобалардың орындалуы

1)2019 жылы іске асырылатын жобаның бірі «Сыр агро и К» ЖШС-нің 1100 басқа арналған тауарлы сүт фермасын құру. Жобалық құны 2,5млрд. теңге. Қуаттылығы жылына 5,3 мың. тонна сүт өндіру. Жоба іске асырылғанда 30 адам жұмыспен қамтылады деп күтілуде. Жобаның іске асырылатын мерзімі 2019 жылдың ІV тоқсаны.

Бүгінгі күні жобаны іске асыру мақсатында 20 га жер беріліп, электр сымдары жүргізіліп, 2 ұңғыма қазылып,  құрылыс жұмыстары жүргізілуде. Құны 600 млн. теңге болатын  6 ауыл шаруашылығы техникалары сатып алынды.

2)2019 жылдың І тоқсанында жоспар бойынша іске асырылатын жоба Сұлутөбе ауылына қарасты «Әбдірәсіл» шаруа қожалығының 70 бас Қазақтың ақбас тұқымын өсіретін репродуктор шаруашылық болып құрылуы.Арал ауданынан 70 бас қазақтың ақбас тұқымы МІҚ аналықтары және элита сыныпты 3 бас асыл тұқымды бұқалар алынып асылдандыру жұмыстары жүргізілуде.Бүгінгі күнге құны 43,4 млн. теңге болатын жоба іске асырылды.

3)2019 жылы іске асырылатын жобаның бірі Ақмая ауылына қарасты «Әсет» шаруа қожалығының 104 бас Қалмақ тұқымын өсіретін репродуктор шаруашылық болып құрылуы.

Бүгінгі күні Ресей Федерациясынан 120 бас Қалмақ тұқымы МІҚ аналықтары әкелініп, карантинге қойылып, элита сыныпты асыл тұқымды бұқалар сатып алу жұмыстары жүргізілуде. 2019 жылдың ІІ тоқсанында толық іске асырылады.

4) 2019 жылы іске асырылатын жобаның бірі Төңкеріс ауылдық округіне қарасты 1000 басқа арналған «Жылқайдаров» мал бордақылау алаңы. Жобалық құны 270 млн. теңгені құрайды.

Бүгінгі күні мал бордақылау алаңының  мал бордақылайтын 1 баздың құрылыс жұмыстарын аяқтап, мал соятын пунктің және ашық қора жайлардың құрылысын бастауды жоспарлауда. Жобаның іске асырылатын мерзімі 2019 жылдың ІV тоқсаны.

Әлеуметтік маңызы бар  азық-түлік тауарлары бағаларының негізсіз өсуіне  жолбермеу шаралары.

Жыл басынан бері азық-түлік бағаларын тұрақтандыру мақсатында Қызылорда қаласында екі рет, Шиелі аудан орталығында бір рет ауыл шаруашылығы өнімдері жәрмеңкесі өтті. Жалпы көлемі 141,7  тонна,жалпы құны 31 млн 255 мың теңгені құрады.

Жалпы бүгінгі күні қандай да бір өнімдерге сұраныстың, бағалардың негізсіз артуы немесе әлеуметтік маңызы бар тауарлардың жетіспеушілігі байқалмайды. Азық-түлік тауарларының бағаларын тұрақтандыру және қамтамасыз ету жұмыстары жалғасуда.

Экспорт және инвестиция

Алдағы уақытта  3000 тонна ақ күріш, 5000 тонна бақша өнімдері және 12 тонна қой еті экспортталады деп күтілуде. 2019 жылы ауыл шаруашылығының негізгі қорына 400 млн теңге инвестиция салынады деп жоспарлануда. Оның ішінде ағымдағы  жылдың 1 маусымына дейін 238 млн теңгеге ауыл шаруашылығы техникалары сатып алынды.

«Үрлемелі су тоспаның» (плотина) маңыздылығы туралы. Шиелі ауданы негізінен аграрлық аудан. Аудан бойынша 2019 жылы 27372 гектар жерге ауыл шаруашылығы дақылдары орналастырылды.

 «Тоқтағұл», «Шардара» су қоймаларында және «Көксарай» су реттегішінде былтырғы жылдың тиісті кезеңімен салыстырғанда су көлемінің едәуір төмен болуына байланысты үстіміздегі жылы су тапшылығы болуы мүмкін деп ескертілген.

Дегенмен, 2015 жылы іске қосылған «Үрлемелі су тоспасы» 80 мыңнан астам халқы бар Шиелі ауданында үлкен серпіліс тудырып, оң әсерін тигізіп отыр. Тоспа пайдалануға берілген жылдан бастап жоспарланған егіс көлемін толық егуге мүмкіндік туып отыр. Сондай-ақ, бұрын айналымнан шығып қалған егіс көлемін қайтадан қалпына келтіріліп, яғни 24095 гектардан 27372 гектарға дейін көбейтуге және қосымша 1500 адамды жұмыспен қамтуға мүмкіндік туды.

“Күміскеткен” су қоймасын салу жобасы туралы.

Күміскеткен су қоймасы - су реттегіш ретінде пайдаланылатын болады. Су қоймаға су мол кезеңдері Сырдария өзенінен су жинап, вегетациялық кезеңде Қызылорда су торабынан төмен орналасқан Сырдария, Жалағаш және Қармақшы аудандарының суармалы жерлерін вегетациялық кезеңде қажетті суару сумен қамтамасыз ететін болады.

«Қызылорда облысы Шиелі ауданының суларын бір жерге шоғырландыру үшін Күміскеткен учаскесінде Сырдария өзенінің су қоймасын салу»  ТЭН-не мемлекеттік сараптаманың 06.12.2017 ж. №14-0235/17 оң қорытындысы алынды, жобаның жалпы құны 1957 млн. теңге құрайды.

2019 жылы Күміскеткен су қоймасының ЖСҚ жасауға республикалық бюджеттен 65,6 млн. теңге  бөлінді.

Осы жобаларды іске асыру 2019-2022 жылдарға арналған Қызылорда облысының әлеуметтік-экономикалық дамуының Кешенді жоспарына енгізілген.

Қызылорда облысының Сырдария өзенінің жоғарғы ағысында орналасқан мемлекеттерге су тәуелділігін төмендету үшін, ЖСҚ әзірленгеннен кейін 2019 жылдан бастап «Куміскеткен» су қоймасының құрылысын бастау қажет.

«Дипломмен ауылға» бағдарламасы

2019 жылы Шиелі ауданына қаржылық агенттің операциялық қызметіне – 36 408,0 мың теңге бөлініп, «Ауылдық елді мекендердегі әлеуметтік саладағы мамандарға әлеуметтік қолдау шараларын жүзеге асыру үшін жергілікті атқарушы органдарға бөлінген бюджеттік кредиттер» 094 бюджеттік бағдарламасы бойынша  3 787 500 теңгеден  97 маманға барлығы 367 388 000 теңге қаржы бөлініп, 2019 жылдың сәуір-қазан айлары аралығында бөлінген қаржыны игеру жоспарлануда. Қазіргі таңда үстіміздегі жылдың сәуір-маусым айлары аралығында өткен комиссияның отырысында 55 маманға 189 375 000 теңгеден бюджеттік кредит беру туралы шешім шығып, бөлінген қаржы толығымен игерілді. Қазіргі таңда бюджеттік кредит алу үшін 334 маман кезектілікте тұр.

 2017 жылдан бастап мамандарға көтерме жәрдемақы төленбеген. Себебі аталған жылдан  бастап жергілікті бюджеттен бөлінген қаржы толығымен Сенім білідірген өкілге (агент) 2,5 % қызмет үшін төленіп отыр. Қазіргі таңда көтерме жәрдемақы 176 000 тг құрайды, кезектілікте 363 маман  тұр.

Видео ақпараттар

Scroll to top