ХАБАРЛАНДЫРУ -- "2019 жылы 22 қарашада Қазақстан Республикасының ..." -- 15 Қараша 2019
ХАБАРЛАМА! -- "Қызылорда облысы, Жалағаш ауданы бойынша шаруа ..." -- 13 Қараша 2019
ХАБАРЛАМА! -- "Қызылорда облысы, Шиелі ауданы бойынша шаруа ..." -- 12 Қараша 2019
ХАБАРЛАМА! -- "Қызылорда облысы, Шиелі ауданы бойынша шаруа ..." -- 11 Қараша 2019
Хабарландыру! -- "Шиелі ауданының тұрғындарының назарына! ..." -- 08 Қараша 2019
«СЕНБІЛІК ТАҢДАР» СЫР ШЕРТЕДІ -- "Күз мезгілі табиғатты тылсым түстерге бояп, өзіне ..." -- 04 Қараша 2019
АҚПАРАТТЫҚ ХАБАРЛАМА -- "              ..." -- 04 Қараша 2019
Шиелі аудандық мәслихаттағы «Nur Otan» партиясының депутаттық ... -- "Шиелі аудандық мәслихаттағы «Nur Otan» ..." -- 31 Қазан 2019
ЖАРЫС ЖҮЛДЕГЕРЛЕРІН ҚҰТТЫҚТАЙМЫЗ! -- "ЖАРЫС ЖҮЛДЕГЕРЛЕРІН ҚҰТТЫҚТАЙМЫЗ! Шиелі ..." -- 31 Қазан 2019
САПАРБАЕВ ҚЫЗЫЛОРДА ОБЛЫСЫНЫҢ АУЫЛ ТҰРҒЫНДАРЫМЕН КЕЗДЕСТІ -- "Премьер-Министрдің орынбасары Б.Сапарбаев ..." -- 28 Қазан 2019

Шиелі ауданы бойынша білім саласындағы атқарылып жатқан жұмыстар туралы

        Елбасының «Төртінші өнеркәсіптік революция жағдайындағы дамудың жаңа мүмкіндіктері» Жолдауында  көрсеткендей, осынау үлкен өнеркәсіптік революция жағдайында адами капиталдың алар орны айрықша. Елбасының биылғы Жолдауын­дағы басымдық берілген мін­деттердің бірі де осы адами капитал болып отыр. «Өзінің та­рихын, тілін, мәдениетін білетін, сондай-ақ заманына лайық, шет тілдерін мең­герген, озық әрі жаһандық көзқарасы бар қазақстандық біздің қоғамымыздың идеалына айналуға тиіс». Мемлекет болашағының кілті – қазіргі жаңа технологияларды меңгерген, соны­мен бірге түп-тамырынан ажырамаған, салты мен дәстүрін, тарихын білетін нағыз сапалы азаматтарда. Сол адами капиталды дайын­дап, болашағына жол сілтейтін, келешегімізді кемел біліммен сусындата­тын – ұстаздар қауымы.  Сонымен қатар биылғы Жолдау «100 нақты қадам», үдемелі индустрия­лық-инновациялық даму, «Рухани жаң­ғыру» сияқты бағдарламаларда көрсе­тілген бағыттардың заңды жалғасы бол­­­ғанын байқаймыз.  Мемлекеттің қуаттылығы ха­лық­тың білім деңгейі мен ден­­саулық жағдайына байланыс­ты өлшенеді. Ғалымды да, ин­женерді де, дәрігерді де алғаш­қы кезеңде білім нәрімен сусын­датқан ұстаздар қауымы екенін ешкім жоққа шығара алмайды. Адами капиталдың сапасын арт­тырудың негізгі бастауы да білім беру ісінің негізінде жат­қанына салмақты түрде назар аударуымыз керек. Бұл сапа көр­сеткішінің артуы тікелей ұстаз­дар қызметімен байланысты екенін аңғартады. Осы орайда қоғамымызда ұстаздарға артылатын жүк те, сенім де салмақты. Ұстаз мәртебесінің жоғары болуы – білім сапасын арттырудың бірден-бір кепілі.    Аудандағы білім беру жүйесін  жалпы білім беретін 40 мектеп (оның ішінде  жаңа типті 7  мектеп: 2 мектеп-гимназия, 5 мектеп-лицейлері,  34  жалпы білім беретін мектептер) мен 1 кешкі мектеп, 128 мектепке дейінгі білім беру және тәрбиелеу ұйымдары құрайды.

         Жаңартылған білім беру мазмұнына сәйкес сапалы білім беру көрсеткішінің негізгі бағыты – білім ұйымдарының материалдық – техникалық базасын нығайту болса, осы бағытта  2019 жылы аудандағы   білім мекемелерін ағымдағы жәй жөндеу жұмыстары үшін 31 млн теңге қаражат бөлініп, тиісті жөндеу жұмыстары атқарылды.

         Мектепке  дейінгі  тәрбие мен оқыту, баланың жас шамасын және өзіндік ерекшеліктерін  ескере отырып, балалардың білім білік дағдыларын  қалыптасуы  мен дамуына  жағдай жасайтын Қазақстан Республикасы білім беру жүйесінің бірінші деңгейі  екені бәрімізге  мәлім.     

      Себебі, білім беру деңгейі – қоғам мен мемлекеттің табысты дамуының кепілі.   Шиелі ауданы бойынша жалпы білім беретін - 40 мектеп, оның ішінде 33 орта мектеп, 4 негізгі мектеп, 3 бастауыш  мектеп, 1 кешкі мектеп және  қосымша білім беру ұйымдары: Оқушылар үйі, Әуез мектебі, Сыр ұланы тынығу жайы жұмыс жасайды.

2018-2019 оқу жылы 17127 оқушымен басталып, 17074 оқушымен оқу жылын аяқталды. 2019-2020 оқу жылында 1-11 сынып аралығында 17897 оқушы 927 сынып тоттамасына жинақталды. Мектеп алды даярлық топтары 36 мектепте ашылып, 91 топқа 1727 бала жинақталды. Оқу жылы басында 1-сыныпқа келетін оқушы саны -2256 бала мектепке келеді деп жоспарланса, қазіргі кезеңде нақты түрде барлық білім беру мекемелерінде 102 сынып топтамасында 2044 оқушы білім алуда. Биылғы жылы облыстық білім басқармасының бастамасымен білім саласын цифрландыру мақсатында «mektep.sitсen.kz» ақпараттық жүйесі іске қосылып,  «мектептің 1 сыныпқа бала қабылдау», «тегін тамақпен қамтуды ұсыну» және «тегін тасымалдауды қамтамасыз ету» мемлекеттік көрсетілім қызметтері  жүйе арқылы арқылы жүргізілетін болады.  «Мектептің 1 сыныпқа бала қабылдау»қызметі ағымдағы жылдың маусым айынан жүргізілуде, қазіргі уақытта мектепке 1 сыныпқа бала қабылдау аудан бойынша осы ақпараттық жүйе арқылы жүргізіліп, 2028 оқушының өтініштері электронды қабылданса, 16 оқушы өтініштері қағаз түрінде қабылданды.

Мектепке дейінгі білім беру ұйымдары- 100, ондағы тәрбиеленуі балалар саны – 6417.   Оның  ішінде   17  мемлекеттік балабақшада - 1657-і, 73 жекеменшік балабақшада -   4450-і , 10 шағын орталықтарда -310. Мектепке дейінгі  мекмелерде  3-6 жас аралағындағы  балаларды 100 пайыз қамтамасыз етілген.

2019-2020 ж.ж. Шиелі аудандық білім бөлімі мектептердің                        1-11 сынып оқушыларына қажетті оқулықтарды сатып алуға жергілікті бюджеттен 186132,0 мың теңге, кітап тасымалына 5584,0 мың теңге қаржы қаралды. 2019-2020 жаңа оқу жылында 5, 6, 7 сынып оқушыларын «Өлкетану» оқулығының хрестоматиясымен қамтамасыз ету мақсатында 12971,0 мың теңге және 1- сынып оқушыларына жазу дәптер сатып  алуға 6300,0 мың теңге көлемінде қосымша қаржы қаралды. Барлығы 19271,0 теңге.

 Қазіргі таңда білім бөлімі оқулықпен қамтамасыз етуге               10 баспамен 205403,0 мың теңгеге келісім шарт жасалып, келісім-шартқа сәйкес міндеттемелер толығымен орындалды.

 2019 жылға мектептерге ағымдағы жөндеуге аудандық бюджеттен  38 млн 461,0 мың теңге қаржы қаралды. Бүгінгі күнде ағымдағы жөндеуге қажетті заттарға (профиль квадратный, кафельный клей, шпатлевка, валих мех.шуба, шеге, грунтовка, шелек, изолента, бояуға арналған кистілер, колер,клей ПВА, кафель керамика стенный, кузбасс лак, олиф, растворитель, рейка, цемент, шифер, еденге арналған бояулар, әк, эмульсия бояуы, руберойд, разбавитель, сыпырғы, сабын, әйнек жуатын, шуруп, ленолиум, дәке,, хлор, қаңылтыр, люминицентная лампа, шланг, труба) өнім берушілермен 31 500,0 мың теңгеге келісім шарт жасалып, жәй жөндеу жұмыстары уақытында орындалды.

2019-2020 оқу жылында  жылу беру маусымына Шиелі аудандық білім бөлімінің ұйымдарына қажетті отын қоры толықтай қамтамасыз етілді. Аудан бойынша (26 мектепке) мектептерге қажетті қатты отын 9234 тонна, 8 мектепке (№251, №214, №206, №159, №142, №228, №50, №205) сұйық отын 913280 литр. 2019-2020 ж. жылу маусымында білім бөліміне қарасты 8 білім мекемесі мемлекеттік жеке меншік әріптестік аясында жылу жүйесі орталықтандырылған газға қосылды. Атап айтқанда (№47,№48,№127,№,219,№244,№270 мектептер мен Оқушылар үйі, №47 мектеп-лицейдің интернаты) толық газбен жылытылатын болады, бұл мақсатқа  аудандық бюджеттен 33 264,0 мың теңге қаралды.  Сонымен бірге кент орталығындағы №252, №46, №45 және №149 Жахаев,№148Бидайкөлауылындағы мектептерді орталықтандырылған газға қосу мақсатында ЖСҚ дайындау үшін жергілікті бюджеттен 25 млн 136 мың теңге бөлініп, жұмыстар жасалуда.

2018-2019 оқу жылының қорытындысымен Шиелі аудан бойынша 11 сыныпты бітірушілер саны барлығы 592 оқушы болса, оның ішінде 448 оқушы ҰБТ-ге қатысуға өтініш беріп, 23.06.2019 жылы ҰБТ-ге 441 оқушы қатысты. Бұл бітірушілердің 74,5 пайызын құрайды. Бұл топтағы бітірушілерге білім беру мекемелері тарапынан кәсіби бағдар беру жұмыстары тиісті деңгейде жүргізіліп, аудан бойынша орта мектепті бітірген 592 түлектің 98,5 пайызы жоғарғы оқу және арнаулы орта, техникалық-кәсіптік оқу орындарына орналастырылды. Қазіргі уақытта ҚР БҒМ өткізген Мемлекеттік гранттар мен «Мәңгілік ел жастары индустрияға – Серпін 2050 » мемлекеттік бағдарламасы бойынша гранттар тағайындау конкурсы нәтижесінде 266 бітіруші мемлекеттік грант, оның ішінде 98 мектеп бітіруші «Серпін» бойынша грант иегері болды. Сонымен қатар «Еңбек» нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы аясында негізгі және орта мектеп бітіруші түлектерді кәсіптік және техникалық оқу орындарына мамандық алуын қамтамасыз ету мақсатында аудандық комиссия арқылы 199 түлекке жолдама берілді. 9- сыныпты бітірген түлектерге - 127, 11- сыныпты бітіруші -72 түлекке  жолдама берілді.

Қазақстан Республикасы Үкіметінің 2019-2020 оқу жылына көпбалалы отбасылардың балалары мен атаулы әлеуметтік көмек алушыларға Қызылорда облысына қосымша бөлінген 390 грант бойынша Шиелі ауданынан 12 мектеп бітіруші грант иегері болды.

Облыс әкімінің қолдауымен ұсынылған 19 мамандықтан Шиелі ауданы түлектеріне 22 облыс әкімінің грант бөлініп, 10 оқушы грант иегері болды.

2019 жылдың 3 шілдеден 30 қыркүйек аралығында өтетін «Мектепке жол» дәстүрлі жалпы республикалық қайырымдылық акциясы бойынша Шиелі ауданы білім мекемелерінде іс-шара жоспары әзірленіп, жұмысшы топ құрамы бекітілді. «Жүректен-жүрекке» ұранымен «Мектепке жол» атты акция 3 шілде мен 15 тамыз аралығында мектеп жәрмеңкесі акциялары салтанатты түрде білім мекемелерінде аталып өту және барлық білім беру мекемелерінен «Мектепке жол» акциясының өту кестесі алынды. Оған барлық білім беру ұйымдарының қызметкерлері, ата-аналар қауымы, мекеме басшылары және кәсіпкерлер мен мердігерлер  қатыстырылып, ағымдағы жылы 17883 бала мектепте білім алса, 2028 бала мектеп табалдырығын аттады.        Өткен жылы «Мектепке жол!» акциясы аясында бюджеттен тыс көздерден 1144 балаға (6 млн. 864 мың теңге) көлемінде қайырымдылық көмектер көрсетілсе, биылғы жылы тұрмысы төмен 1 654 балаға бюджеттен тыс көздерден (9 млн 924 мың теңге) көлемінде көмек көрсетілді. «Жүректен-жүрекке» ұранымен 1 тамыз күні облыс әкімі Қ.Ысқақов пен аудан әкімі Ә.Оразбекұлының қатысуымен 19 тұрмысы төмен және көп балалы отбасы балаларына мектеп формасы және оқу құралдары (475 мың теңге) табысталса, аудан білім мекемелерінде қайырымдылық шарасы 3 шілде - 20 тамыз аралығында тұрмысы төмен отбасы балаларына мектеп формасы және мектеп құрал-жабдықтары 668 балаға (3 873 000 мың теңге) көмек түрлері ұйымдастырылды.

Одан өзге, бүгінде акцияға қолдау көрсетуші тұлғалардың қатысуымен барлық білім мекемелерінде жиын өтіп, мектепті «тастап кету» және сабаққа бармауының алдын алу шаралары жөнінде тұрғындарды ақпараттандыруға байланысты еріктілер, балалар мен жастар қозғалысын тарту, ақпараттық-насихаттық алаңдар ұйымдастыру, мамандарға кеңес беру, жадынамалар, плакаттар, буклеттер, үндеу хаттар тарату жұмыстары жүргізілді.

2019 жылдың 28 тамызы күні аудандық салтанат сарайында мектеп жәрмеңкесі ұйымдастырылып, онда аудан кәсіпкерлері  тұрғындардың қажеттілігін ескере отырып, мектеп формаларын, спорттық киімдер, аяқ киімдер, оқу құрал-жабдықтарын төмен бағамен сатуға шығарды.Жәрмеңке күні ата - аналарға (әсіресе балалары енді мектеп табалдырығын аттағалы отырған) білім саласы бойынша кеңес беретін арнайы мамандар тобы қоғамдық қабылдаулар жүргізді.

 «Мектепке жол» акциясы  бойынша қазіргі таңда 9 іс-шара жүргізілді. Мектепке бармай қалу, кезбелікке салынған оқушылар жоқ болса, құқық қорғау органдары, мектеп психологтары, білім қызметкерлерімен бірлесе отырып, түнгі уақытта ересектерсіз үйден тыс жерлерде жүрген балаларды анықтау мақсатында базарларда, саяжай учаскелерінде, вокзалдарда, көңіл көтеретін орындарда рейдтік тексерулер жүргізілуде. Сондай-ақ акцияға демеушілерді тарту мақсатында хабарландырулар мен үндеу хаттар таратылса, жалпы республикалық «Мектепке жол» акциясы көпшілік қауымнан қолдау тауып, өз дәрежесінде ұйымдастырылды.

Видео ақпараттар

Scroll to top